बॉलिवूड अभिनेता कार्तिक आर्यन गेल्या काही दिवसांपासून सोशल मीडियावर मोठ्या प्रमाणावर अॅक्टीव्ह असल्याचं पाहायला मिळत आहे. या कालावधीत फोटो, व्हिडीओ शेअर करुन तो चाहत्यांच्या संपर्कात राहण्याचा प्रयत्न करत आहे. सोबतच त्याच्या जीवनातील अनेक रंजकदार किस्सेही सांगत आहे. यातच सध्या कार्तिकने शेअर केलेल्या फोटोची जोरदार चर्चा सुरु आहे. या फोटोत त्याने आवडत्या अभिनेत्रीसोबत फोटो काढण्यासाठी चक्क बॅरिकेट्सवरुन उडी मारल्याचं त्याने सांगितलं आहे. कार्तिकने शेअर केलेला फोटो १२ वर्षांपूर्वीचा असून या फोटोत तो अभिनेत्री सागरिका घाटगेसोबत दिसून येत आहे. विशेष म्हणजे सागरिकासोबत एक फोटो काढता यावा यासाठी त्याने चक्क बॅरिकेट्सवरुन उडी मारली होती. View this post on Instagram 2008 Mumbai Marathon!! I jumped barricades to take a pic with Preeti Sabharwal @sagarikaghatge n also told her “Shah Rukh Khan ko mera Hi bolna ” @iamsrk A post shared by KARTIK AARYAN (@kartikaaryan) on Jun 29, 2020 at 7:22am PDT "२००८ मुंबई मॅरेथॉन. प्रिती सबरवालसोबत फोटो काढण्यासाठी मी बॅरेकेट्सवरुन उडी मारली होती. आणि तिला सांगितलं होतं शाहरुख खानला माझ्याकडून हाय कर, असं मी तिला सांगितलं होतं", असं कार्तिकने त्याच्या पोस्टमध्ये म्हटलं आहे. दरम्यान, सागरिका घाटगेने 'चक दे इंडिया' या चित्रपटात प्रिती सबरवाल ही भूमिका साकारली होती. तिच्या या भूमिकेवर प्रेक्षकांनी भरभरुन प्रेम केलं होतं. इतकंच नाही तर ती अनेक तरुणांची क्रशही झाली होती. सागरिकाने २०१७ मध्ये क्रिकेटपटू जहीर खानसोबत लग्नगाठ बांधली आहे.
