मराठी कलाविश्वातील प्रसिद्ध जोडी म्हणजे आदिनाथ आणि उर्मिला कोठारे. या दोघांप्रमाणेच त्यांची लेक जिजादेखील तितकीच लोकप्रिय आहे. त्यामुळे बऱ्याच वेळा सोशल मीडियावर जिजाचे फोटो आणि व्हिडीओ व्हायरल होत असतात. यामध्येच सध्या जिजाचा आई-बाबांसोबतचा स्विमिंग करतानाचा एक व्हिडीओ व्हायरल होत आहे.
नुकताच जागतिक कन्या दिन झाला. या दिवसाचं निमित्त साधत उर्मिलाने तिच्या लाडक्या लेकीला म्हणजेच जिजाला खास पद्धतीने शुभेच्छा दिल्या आहेत. उर्मिलाने इन्स्टाग्रामवर जिजाचा एक व्हिडीओ पोस्ट केला आहे. या व्हिडीओमध्ये जिजा तिच्या आई-बाबांसोबत पाण्यात मनसोक्तपणे पोहताना दिसत आहे.
दरम्यान, सध्या सोशल मीडियावर जिजाचा हा गोड व्हिडीओ व्हायरल होत असून अनेकांनी त्यावर कमेंट्सचा पाऊस पाडला आहे. उर्मिला सोशल मीडियावर सक्रीय असून ती अनेकदा जिजाचे फोटो, व्हिडीओ शेअर करत असते. त्यामुळे सध्या जिजा मराठी कलाविश्वातील लोकप्रिय स्टारकिड असल्याचं दिसून येतं.
