करोना काळानंतर चित्रपटगृहात प्रदर्शित होणारा पहिला मराठी चित्रपट म्हणजे झिम्मा. या चित्रपटाने बॉक्स ऑफिसवर चांगलीच जादू केली होती. जगभरातील प्रेक्षकांनी ‘झिम्मा’वर भरभरुन प्रेम केले. त्यानंतर आता ‘झिम्मा २’ हा चित्रपट प्रदर्शित झाला. या चित्रपटालाही चांगला प्रतिसाद मिळताना दिसत आहे. या चित्रपटाच्या निमित्ताने सिद्धार्थ चांदेकरने हटके पोस्ट केली आहे. हेमंत ढोमे दिग्दर्शित 'झिम्मा २' या चित्रपटात सुहास जोशी, सुचित्रा बांदेकर, क्षिती जोग, निर्मिती सावंत, सायली संजीव, शिवानी सुर्वे, रिंकू राजगुरू या अभिनेत्री दिसत आहेत. त्याबरोबरच 'झिम्मा २' या चित्रपटात अभिनेता सिद्धार्थ चांदेकर, हेमंत ढोमेही झळकत आहे.आणखी वाचा : Jhimma 2 Review: जीवाभावाच्या मैत्रिणींच्या रियुनियनची भावुक करणारी गोष्ट; वाचा कसा आहे ‘झिम्मा २’ अभिनेता सिद्धार्थ चांदेकरने नुकतंच हेमंतबरोबरचा एक छान फोटो पोस्ट केला आहे. याला सिद्धार्थने हटके कॅप्शन दिलं आहे. "पायघड्या घाल, ढोल ताशे वाजव अन् जरासा बाजूला हो रं.. बायकांसोबत बॉक्स ऑफिस वर धुमाकूळ घालतायत झिम्माची पोरं!", असे सिद्धार्थ म्हणाला. आणखी वाचा : “हा ‘झिम्मा’ आधीपेक्षा…”, ‘झिम्मा २’बद्दल चिन्मय मांडलेकरने केलेली ‘ती’ पोस्ट चर्चेत दरम्यान सिद्धार्थच्या या पोस्टवर क्षिती जोगने "झिम्माची भारी पोरं" अशी कमेटं केली आहे. तर सायली संजीवने "Uffff" असे म्हणतं फायर इमोजी पोस्ट केला आहे. त्याची ही पोस्ट सध्या व्हायरल होत आहे.
