गेल्या काही दिवसांपासून इन्स्टाग्राम, युट्यूब, फेसबुक उघडल्यावर ‘बहरला हा मधुमास’ हे एकच गाणं कानावर पडत आहे. या गाण्याची अनेक कलाकारांना, इन्स्टाग्राम रिल स्टार्सला तसेच सर्वसामान्यांना भूरळ पडली आहे. बहुचर्चित आणि बहुप्रतीक्षित ‘महाराष्ट्र शाहीर’ या चित्रपटातील हे गाणं आहे. नुकतंच या गाण्यावर प्रसिद्ध अभिनेत्री प्राजक्ता माळीच्या भाचीने डान्स केला आहे. तिने याचा व्हिडीओ पोस्ट केला आहे.
प्राजक्ता माळी ही सोशल मिडियावर कायमच सक्रीय असते. नुकतंच तिने इन्स्टाग्रामवर एक व्हिडीओ शेअर केला आहे. यात प्राजक्ता माळीची भाची याज्ञसेनी नाचताना दिसत आहे. यावेळी तिच्यासमोर मोबाईलवर ‘महाराष्ट्र शाहीर’ या चित्रपटातील ‘बहरला हा मधुमास’ हे गाणं लागलेलं दिसत आहे.
आणखी वाचा : “मी लग्न करायला तयार, पण…” प्राजक्ता माळीने सांगितली लग्नासाठीची पहिली अट
या व्हिडीओच्या सुरुवातीला तिची भाची ही या गाण्यातील काही स्टेप्स हुबेहुब करताना दिसत आहे. विशेष म्हणजे फक्त सना शिंदे नव्हे तर अंकुश चौधरीच्या स्टेप्सही ती यावेळी करत आहे.
आणखी वाचा : Video : ‘बहरला हा मधुमास’ गाण्यावर किली पॉलच्या बहिणीचे रील, डान्स पाहून अंकुश चौधरी म्हणाला…
“नाच येत असेल नसेल, जाहीर अथवा गुपचूप, स्थळ काळ वय विसरून; नाचत रहा… जागतिक नृत्य दिनाच्या हार्दिक शुभेच्छा”, अशी पोस्ट प्राजक्ता माळीने केली आहे.
दरम्यान प्राजक्ता माळी ही कायमच विविध कारणांमुळे चर्चेत असल्याचे पाहायला मिळते. तिने आतापर्यंत अनेक मालिका, चित्रपट आणि वेबसीरिजमध्ये काम केले आहे. तिने निवडलेल्या भूमिकांचे कायमच कौतुक होताना दिसते. ती लवकरच एका चित्रपटात झळकणार आहे. मात्र याचे नाव अद्याप जाहीर करण्यात आलेले नाही.
