हेमंत ढोमे दिग्दर्शित ‘झिम्मा २’ हा बहुचर्चित चित्रपट सध्या चित्रपटगृहात धुमाकूळ घालत आहे. गेल्या शुक्रवारी २४ नोव्हेंबरला प्रदर्शित झालेल्या या चित्रपटाचे अनेक चित्रपट समीक्षक आणि कलाकार कौतुक करताना दिसत आहे. या चित्रपटातील गाणीही सुपरहिट होताना दिसत आहे. नुकतंच या चित्रपटातील ‘मराठी पोरी’ या गाण्यावर अभिनेत्री पर्ण पेठेने एक रील व्हिडीओ शेअर केला आहे.
पर्ण पेठे ही इन्स्टाग्रामवर सतत सक्रीय असते. सध्या ती ‘चारचौघी’ या नाटकात व्यस्त आहे. नुकतंच तिने मुक्ता बर्वे, रोहिणी हट्टंगडी, कादंबरी कदम, पर्ण पेठे, निनाद लिमये, श्रेयस राजे आणि पार्थ केतकर या कलाकारांबरोबर एक रील व्हिडीओ शेअर केला आहे.
आणखी वाचा : Video : ‘झिम्मा २’च्या कलाकारांनी सेटवर ‘अशी’ केली धमाल, ‘मराठी पोरी’ गाण्याचा पडद्यामागचा व्हिडीओ पाहिलात का?
यात या नाटकातील सर्व कलाकार ‘झिम्मा २’ चित्रपटातील ‘मराठी पोरी’ या गाण्यावर थिरकताना दिसत आहेत. “चारचौघीच्या मराठी पोरींकडून झिम्मा २ च्या मराठी बाया – काकू — नाही नाही — पोरींना खूपखूप प्रेम!!!”, असे कॅप्शन पर्णने या व्हिडीओला दिले आहे.
चारचौघी नाटकाच्या कलाकारांच्या या रीलवर ‘झिम्मा २’ मधील अनेक कलाकार कमेंट करताना दिसत आहे. दिग्दर्शक हेमंत ढोमेने या पोस्टवर “खूप खूप प्रेम. रोहिनी मावशी तर झक्कास”, अशी कमेंट त्याने केली आहे. तर निर्मिती सावंत यांनी “खूप खूप प्रेम तुम्हा सगळ्यांना”, असे म्हटले आहे.
आणखी वाचा : ‘झिम्मा १’नंतर ‘झिम्मा २’ चित्रपटाने जिंकली प्रेक्षकांची मनं, तीन दिवसात कमावले इतके कोटी
‘झिम्मा २’ या चित्रपटात सुहास जोशी, निर्मिती सावंत, सुचित्रा बांदेकर, क्षिती जोग, सायली संजीव, रिंकू राजगुरु, शिवानी सुर्वे आणि सिद्धार्थ चांदेकर असे दिग्गज कलाकार पाहायला मिळत आहेत.
