जगभरात ३,८०,००० लोकांना करोनाची लागण झाली असून तब्बल १६,००० जणांचे बळी करोनाने घेतले आहेत. सगळ्यात जास्त म्हणजे जवळपास ५,००० जणांचे बळी तर एकट्या इटलीत गेले आहेत. भारतात करोना झालेल्या लोकांची संख्या ५०३ वर पोहचली आहे. तर महाराष्ट्रात ही संख्या १०१ वर पोहचली आहे. संसर्गातून पसणाऱ्या या कनोचा वाढता धोका पाहता भारताचे पंतप्रधान नरेंद्र मोदी यांनी २२ मार्चला 'जनता कर्फ्यू' घोषीत केला होता. त्याचबरोबर आता महाराष्ट्रात संचारबंदी लागू करण्यात आली आहे. त्यामुळे चित्रपट आणि मालिकांचे चित्रीकरण देखील थांबवण्यात आले आहे. २४ तास चित्रीकरणामध्ये व्यग्र असलेले कलाकार आता मिळालेल्या मोकळ्या वेळात काय करत असतील असा प्रश्न अनेकांना पडला असेलच. 'चला हवा येऊ या' या कार्यक्रमातील विनोदवीर कुशल बद्रिके सध्या आपल्या कुटुंबीयांसोबत वेळ घालवताना दिसत आहे. तसेच त्याने त्याच्या क्रिएटीव्ह कामाचा भन्नाट व्हिडीओ सोशल मीडियावर शेअर केला आहे. कुशलने नुकताच त्याच्या इन्स्टाग्राम अकाऊंटवर एक व्हिडीओ शेअर केला आहे. या व्हिडीओमध्ये त्याने 'गँग्स ऑफ वासेपुर' चित्रपटातील 'ओ वुमनिया' या गाण्यावर करोनाचे गाणे तयार केले आहे. त्याने या गाण्यात 'गो करोनिया. गो गो करोनिया' असे म्हटले असून लोकांनी स्वत:ची काळजी कशी घ्यावी हे सांगितले आहे. View this post on Instagram घरी काहीतरी creative करा आणी मला नक्की TAG करा. माझ्या कुटूंबाकडून थोडं मनोरंजन आणी थोडं प्रबोधन. @sunayana_badrike_kathak @swapna_pawar A post shared by Kushal Badrike official (@badrikekushal) on Mar 23, 2020 at 1:32am PDT हा व्हिडीओ शेअर करत कुशले 'घरीच राहून तुमच्या कुटूंबासोबत वेळ काढा, आणी काळजी घ्या. घरी काहीतरी creative करा आणी मला नक्की TAG करा. माझ्या कुटूंबाकडून थोडं मनोरंजन आणी थोडं प्रबोधन' असे कॅप्शन दिले आहे.
