मिस युनिव्हर्स हरनाज संधूने केले बॉलिवूड कास्टिंग काऊचवर वक्तव्य म्हणाली…

हरनाजने नुकतीच इंडिया टूडेला मुलाखत दिली होती. यावेळी हरनाज तिच्या बॉलिवूड एण्ट्री विषयी वक्तव्य केलं. बॉलिवूड एण्ट्री करण्यासाठी कोणतीही घाई नाही. जेव्हा योग्य वेळ असेल तेव्हा मी त्याबद्दल सांगेन. बॉलीवूडमध्ये एण्ट्री केल्यानंतर मी सर्वांना त्याविषयी सांगेन. आता त्याची काही घाई नाही. यावेळी हरनाजनं बॉलीवूडमधील कास्टिंग काऊचवर प्रतिक्रिया दिलीय. मला वाटतं महिलांना कोणत्याही परिस्थितीत कमी लेखता कामा नये. त्या त्यांचे काम करण्यासाठी सक्षम आहेत. आपण आपल्या कामातून इतिहास घडवू शकतो. यावर कोणताही विचार करण्याची गरज नाही. मला सुश्मिता सेन, लारा दत्ता यांच्यासोबत काम करायला आवडेल. त्यांनी देखील त्यांच्या कामातून महिला सक्षमीकरणाचा एक आदर्श आपल्यासमोर ठेवला आहे. त्यामुळे आपणही तो वारसा पुढे नेणं गरजेचं आहे.

आणखी वाचा : भावाच्या मृत्यूची वडिलांनी केलेली भविष्यावाणी ठरली खरी; जॅकी श्रॉफ यांनी केला खुलासा

आणखी वाचा : गीता माच्या आयुष्यात खास व्यक्तीची एण्ट्री, जाणून घ्या या मिस्ट्री बॉयबद्दल

पुढे कोणासोबत रिलेशनशिपमध्ये यायला आवडेल असा प्रश्न हरनाजला विचारण्यात आला होता? यावर उत्तर देत हरनाज म्हणाली, मला जो कोणी स्ट्रगलिंग फेजमध्ये आहे त्याच्यासोबत रिलेशनशिपमध्ये यायला नक्कीच आवडेल. कारण मी देखील खूप स्ट्रगल केलं आहे. त्यामुळे मला त्या परिस्थितीची जाण आहे. आपल्याला त्यावेळी जी माणसं भेटतात त्यांची आपल्याला होणारी मदत मोलाची असते. ती माणसं आपण शेवटपर्यत जपतो. तो काळ मोठा गंमतीचा असतो. खूप काही शिकवून जाणारा आहे. अशावेळी आपण कुठून आलो आणि आपण कुठे आहोत या दोन्ही गोष्टींना आपण कधीही विसरायला नको.