‘वो क्युँ उदास हो गई’; मदर्स डेसाठी आयुषमानचं खास गाणं

‘द हिंदू’नुसार,आयुषमानने मदर्स डेसाठी ‘माँ’ हे खास गाणं तयार केलं असून मदर्स डेच्या दिवशी (१० मे) हे गाणं प्रेक्षकांच्या भेटीला येणार आहे. त्यापूर्वी त्याने या गाण्याची एक झलक सादर केली आहे. “एक आई आपल्या मुलांसाठी वाट्टेल ते करायला तयार असते. त्यांच्यावर ती निस्वार्थ प्रेम करते, त्यांच्यासाठी अनेक गोष्टींचा त्याग करते. त्यामुळे खरं तर प्रत्येक दिवशी मदर्स डे साजरा केला पाहिजे. मात्र ठीक आहे हा एक दिवसदेखील तिच्या चेहऱ्यावर हास्य आणण्यासाठी पुरेसा आहे. त्यामुळे निदान या दिवशी तरी आपण तिच्यासाठी काही तरी करावं”, असं आयुषमान म्हणाला.

 

View this post on Instagram

 

Jiss Maa ke bachhe udaas hain, Woh kaise khush reh sakti hai? This Mother’s Day, let’s take a collective pledge to make her smile again! #BharatMaaKeLiye @reliancefreshofficial @reliancesmart_official

A post shared by Ayushmann Khurrana (@ayushmannk) on May 8, 2020 at 6:09am PDT

पुढे तो म्हणतो, “यंदाच्या मदर्स डेला मी सगळ्या मातांना, आईंना उद्देशून ‘माँ’ हे गाणं तयार केलं आहे. आईचं जे प्रेम, जी ममता असते ते पाहून मी कायम थक्क होतो. त्यामुळे माझी बरीचशी गाणी आईला समर्पित केलेली असतात”. दरम्यान, आयुषमानने ‘मदर्स डे साठी ‘माँ’ हे नवीन गाणं तयार केलं असून संगीतकार रोचक कोहली याने त्याला संगीत दिलं असून या गाण्याचे बोल गुरप्रीत सैनीने लिहिले आहेत.