अभिनेत्री सुश्मिता सेनची बहुप्रतिक्षित आणि बहुचर्चित ‘ताली’ ही वेबसीरिज नुकतीच प्रदर्शित झाली. ही वेबसीरिज तृतीयपंथी लोकांसाठी झटणाऱ्या, त्यांच्यासाठी सतत काम करणाऱ्या सामाजिक कार्यकर्त्या गौरी सावंत यांच्यावर आधारित आहे. यात गौरी सावंत यांची भूमिका अभिनेत्री सुश्मिता सेनने साकारली आहे. सध्या या सीरिजबद्दल विविध प्रतिक्रिया समोर येत आहेत. नुकतंच अभिनेता हेमंत ढोमेने याबद्दल एक पोस्ट शेअर केली आहे.
हेमंत ढोमेने नुकतंच इन्स्टाग्रामवर एक स्टोरी शेअर केली आहे. यात हेमंतने ‘ताली’ या वेबसीरिजचे पोस्टर शेअर केले आहे. यात त्याने या सीरिजमध्ये झळकलेल्या कलाकारांच्या अभिनयाबद्दल भाष्य केले आहे. तसेच यातील कथानक आणि लेखन याबद्दलही प्रतिक्रिया दिली आहे.
आणखी वाचा : Video : “ही कायम सोबत ठेव…”, ‘ताली’मधील सुश्मिता सेनच्या गळ्यातील ‘त्या’ रुद्राक्षाच्या माळेची खासियत, रवी जाधव यांचा खुलासा
“फारच सुंदर कथा. लेखनही उत्तम. प्रामाणिक आणि धाडसी पद्धतीने सांगितलेले कथानक. अभिनयही सुंदर. तालीच्या संपूर्ण टीमचे अभिनंदन. नक्की पाहा, असे हेमंत ढोमेने म्हटले आहे.
आणखी वाचा : “…बस इतकेच”, सुश्मिता सेनची ‘ताली’ वेबसीरिज पाहिल्यानंतर सुबोध भावेची पोस्ट, म्हणाला “रवी जाधव तुझ्या…”
दरम्यान ‘ताली’ या वेबसीरिजचे दिग्दर्शन रवी जाधव यांनी केले आहे. तर याचे लेखन क्षितीज पटवर्धन यांनी केले आहे. ही वेबसीरिज जिओ सिनेमावर १५ ऑगस्टला प्रदर्शित झाली. यात सुष्मिता सेन ही प्रमुख भूमिका साकारत आहे.
