खुशखुशीत गावराण विनोदाची फोडणी असेलली वेबसीरीज म्हणून ‘पंचायत’ने स्वतःचं वेगळं स्थान निर्माण केलं आहे. पहिल्या भागापासून ही सीरीज लोकांनी उचलून धरली. फुलेरा गावातील ग्रामपंचायत, त्याचा सचिव, सरपंच महिला, तिच्या नावाने कारभार करणारा पती आणि गावातील इरसाल मंडळी यांच्या रोजच्या जीवनातील प्रसंगातून केलेली विनोद निर्मिती हे या सीरीजचे वेगळेपण आहे. आधीच्या दोन्ही सीरीजने प्रेक्षकांचे भरपूर मनोरंजन केल्यानंतर आता सीरीजचा तिसरा भाग २८ मे रोजी प्रदर्शित होत आहे. देशात लोकसभेच्या निवडणुकीचं वारं वाहत असताना पंचायतमध्येही निवडणुकीची लगबग सुरू असल्याचं ट्रेलरवरून दिसत आहे. टीव्हीएफनं आज तिसऱ्या भागाचा ट्रेलर प्रदर्शित केला. त्यातून निवडणुकीच्या माहौलची चुणूक दिसली.

पंचायत सीरीजच्या दुसऱ्या भागाचा शेवट हसवता हसवता थोडा रडवणारा झाला होता. उपसरपंच असलेल्या पांडे नामक पात्राचा एकुलता एक मुलगा सीमेवर शहीद झाल्याचे दाखविण्यात आले होते. या दुःखातही फुलेरा ग्रामस्त आपला अपमान करणाऱ्या आमदाराला तिथून हाकलून लावत स्वाभिमानाने शहीद सुपुत्रावर अंत्यसंस्कार करतात. याचाच धागा पकडत तिसरा भाग सुरू होत आहे. टीव्हीएफने दोन मिनिटांचा ट्रेलर प्रदर्शित केला असून त्यात तिसऱ्या भागात काय धमाल असणार याची प्रचिती येते.

Pm Narendra modi Speech in Nashik
“मोदींनी भाषणात अल्पसंख्याकांचा मुद्दा काढताच, शेतकरी ओरडला कांद्यावर बोला..”, पुढे नेमकं काय घडलं?
bhushan kadu reveals why he left maharashtrachi hasya jatra
“हास्यजत्रेतून मनाविरुद्ध एक्झिट घेतली”, भूषण कडूने सांगितला खडतर प्रसंग; म्हणाला, “गोस्वामी सरांना…”
Sharad pawar on Ajit Pawar baramati
बारामतीच्या मतदानानंतर अजित पवार प्रचाराला अनुपस्थित; शरद पवार काळजी व्यक्त करत म्हणाले, “ते…”
Narendra Modi
“मी मुस्लीम कुटुंबांत राहिलो, मला अनेक मुस्लीम मित्र, पण २००२ नंतर…”, पंतप्रधान नरेंद्र मोदींचं विधान चर्चेत
Ghatkopar incident
Hording Collapse : घाटकोपर दुर्घटनेत मृतांची संख्या वाढली, महाकाय होर्डिंग उचलण्याचे काम सुरूच; VIDEO समोर!
narendra modi
“मुस्लिम समुदायाला पहिल्यांदाच सांगतोय, त्यांनी आता…”, आरक्षणाबाबत पंतप्रधान मोदींकडून भूमिका स्पष्ट
when Tanvi Azmi married Baba Azmi
“एका महाराष्ट्रीय ब्राह्मण मुलीने मुस्लीम पुरुषाशी लग्न…”, अभिनेत्री तन्वी आझमींचं वक्तव्य; म्हणाल्या, “बंडखोरी…”
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”

‘पंचायत ३’ची वाट पाहताय, पण प्राइम व्हिडीओचं सबस्क्रिप्शन नाही? सीरिज मोफत पाहण्यासाठी करावं लागेल ‘हे’ काम

ग्रामपंचायतीचा सचिव असलेलं अभिषेक त्रिपाठी हे या सीरीजमधील मुख्य पात्र आहे. जितेंद्र कुमार याने आपल्या नैसर्गिक अभिनयाने या पात्राला प्रसिद्ध केलं. याशिवाय महिला सरपंच निना गुप्ता आणि त्यांचे पती रघुबिर यादव यांचा अभिनय, विनोदाची त्यांची उत्तम जाण आणि ग्रामीण बोलीतील संवाद यामुळे तिसऱ्या भागात निवडणुकीची धामधुम चांगलीच रंगलेली दिसत आहे. रघुबीर यादव आपले सरपंच पद टीकवण्याचा तर त्यांचा विरोधक असलेला भूषण (बनराकस) हा त्यांना टक्कर देण्याचा प्रयत्न करणार आहे.

भूषण हे पात्र दुर्गेश कुमारने रंगवलं आहे. त्याचा “देख रहा है ना विनोद…” हा डायलॉग चांगलाच प्रसिद्ध झाला आहे. पहिल्या भागात “गजब बेज्जती है यार” या डायलॉगचे असंख्य मिम्स झाले. त्याप्रमाणे “देख रहा है ना विनोद” या वाक्याचेही मिम पाहायला मिळाले. छत्तीसगड विधानसभा निवडणुकीत काँग्रेसने हा डायलॉग आणि दुर्गेश कुमारला घेऊन प्रचारासाठी अनेक व्हिडीओ तयार केले होते. हिंदी पट्ट्यात या सीरीजची लोकप्रियता यावरून दिसून येते.

दिग्दर्शक दीपक कुमार मिश्रा, लेखक चंदन कुमार यांनी फुलेरा गावात निवडणुकीचा रणसंग्राम होणार असल्याची कल्पना दिली आहे. ट्रेलरवरूनही यातील गंमत दिसून येत आहे. प्राइम व्हिडीओनेही ट्रेलरचा व्हिडीओ सोशल मीडियावर शेअर करून प्रदर्शनाची तारीख जाहीर केली आहे.