संजय लीला भन्साळी दिग्दर्शित 'पद्मावती' चित्रपटातील 'घुमर' गाण्यानंतर आता 'एक दिल एक जान' गाणे प्रदर्शित करण्यात आले आहे. राणी पद्मिनी आणि महारावल रतन सिंह यांच्यामधील प्रेम या गाण्यात दिसून येते. PHOTO: आणखी एक बॉलिवूड अभिनेत्री विवाहबंधनात अडकण्यासाठी सज्ज 'एक दिल एक जान' गाण्याला खुद्द भन्साळी यांनी संगीत दिले असून गायक शिवम पाठकने ते गायले आहे. तर गीतकार ए एम तुराझने ते लिहिले आहे. महारावल रतन सिंह आणि पद्मावती यांच्यातील प्रेम या गाण्यात दाखवण्यात आलंय. हे संपूर्ण गाणे पद्मावतीची भूमिका साकारणारी अभिनेत्री दीपिका पदुकोण आणि महारावल रतन सिंहच्या भूमिकेतील शाहिद कपूर यांच्यावर चित्रीत करण्यात आले आहे. ट्रेलरप्रमाणेच हे गाणेही भन्साळींच्या चित्रपटातील भव्यता दर्शवते. Video : छोट्या रणबीर-करिनाचा हा व्हिडिओ पाहून तुम्हीही म्हणाल 'सो क्यूट' भन्साळी हे उत्कृट संगीत दिग्दर्शक असल्याचे त्यांनी पुन्हा एकदा दाखवून दिलेय. याआधी त्यांनी 'बाजीराव मस्तानी' (२०१५), 'राम लीला' (२०१३) आणि 'गुझारिश' (२०१०) या चित्रपटांनाही संगीत दिले आहे. येत्या १ डिसेंबरला प्रेक्षकांना भन्साळींच्या 'पद्मावती' या चित्रपटाची भव्यता अनुभवता येणार आहे.
