‘बाहुबली’नंतर अभिनेता प्रभासच्या आगामी ‘साहो’ या चित्रपटाबद्दल चाहत्यांमध्ये बरीच उत्सुकता आहे. या चित्रपटाचा अॅक्शनपॅक ट्रेलर नुकताच प्रदर्शित झाला आहे. या प्रभाससह बॉलिवूड अभिनेत्री श्रद्धा कपूर मुख्य भूमिकेत आहे. या चित्रपटात प्रभास एका गुप्तहेराच्या भूमिकेत दिसत आहे. ट्रेलरमध्ये अॅक्शन सीन्सचा भरणा आहे. त्याबरोबरच प्रभास आणि श्रद्धाच्या रोमान्सचा तडखा आणि मनाला भिडणारे संवादही आहेत. ट्रेलरमधील अॅक्शन व दृश्ये एखाद्या हॉलिवूडपटाप्रमाणेच वाटतात. चित्रपटातील साहसदृश्यांसाठी हॉलिवूडमधील ५० लोकांची एक टीम भारतात बोलावण्यात आली होती. या टीमने प्रभासला अॅक्शन सीनसाठी प्रशिक्षण दिले. या प्रशिक्षणात सहभागी असलेल्या ५० लोकांनी अनेक हॉलिवूड चित्रपटांसाठी काम केले होते. #Saaho is an event film and the expectations are monumental. #SaahoTrailer gives a glimpse of the colossal scale, packs style and boasts of larger than life visuals. A massive start at the ticket window is a surety. #Hindi trailer: — taran adarsh (@taran_adarsh) August 10, 2019 ३० ऑगस्ट रोजी चित्रपट प्रेक्षकांच्या भेटीला येणार आहे. हा चित्रपट तेलगू, तामिळ आणि हिंदी अशा तीन भाषांमध्ये प्रदर्शित होणार असून या चित्रपटाचे दिग्दर्शित सुजीत करत आहेत. या चित्रपटात प्रभास, श्रद्धा आणि चंकी व्यतिरिक्त नील नितीन मुकेश, जॅकी श्रॉफ, मंदिरा बेदी, महेश मांजरेकर यांच्याही महत्त्वपूर्ण भूमिका आहेत.
