दिग्दर्शक रोहित शेट्टीचे चित्रपट म्हणजे त्याच्या चाहत्यांसाठी मनोरंजनाचा डबल डोस असतो. अॅक्शन, कॉमेडी, रोमान्स सारं काही एकत्र त्याच्या चित्रपटांमध्ये पाहायला मिळतं. त्याचा शेवटचा ‘सुर्यवंशी’ चित्रपट प्रदर्शित झाला आणि या चित्रपटाला प्रेक्षकांचा भरभरून प्रतिसाद मिळाला. आता रोहितने त्याच्या नव्या चित्रपटाची घोषणा केली आहे. या बिग बजेट चित्रपटामध्ये हिंदीसह मराठी अभिनेत्यांच्या नावाचीही वर्णी लागली आहे. रोहितचा हा नवा प्रोजेक्ट म्हणजे मल्टिस्टारर चित्रपट असणार आहे.
रोहितने त्याच्या इन्स्टाग्राम अकाऊंटवरून ‘सर्कस’ (Cirkus) या त्याच्या आगामी चित्रपटाचं पोस्टर शेअर केलं आहे. “प्रेक्षकांना पुन्हा एकदा चित्रपटगृहामध्ये आणण्याची हिच ती वेळ आहे. ‘सर्कस’ चित्रपट म्हणजे तुम्हाला आणि तुमच्या कुटुंबासाठी ख्रिसमस गिफ्ट आहे. कारण या सर्कसमध्ये खूप गोलमाल आहे.” असं रोहितने या चित्रपटाचे पोस्टर शेअर करताना म्हटलं आहे. रोहित शेट्टीच्या इतर चित्रपटांप्रमाणेच या चित्रपटामध्ये देखील मनोरंजनाचा डबल डोस प्रेक्षकांना अनुभवायला मिळणार आहे.
आणखी वाचा – १०० दिवसांनी रुग्णालयातून घरी परतली लेक, प्रियांका चोप्रा मात्र शूटिंगमध्ये झाली व्यस्त, पाहा फोटो
चित्रपटाच्या या पोस्टरमध्ये कलाकार विविध भूमिकेमध्ये दिसत आहेत. तसेच रणवीर सिंगचा यामध्ये डबर रोल असल्याचं दिसत आहे. एक भूमिका अगदी साधी तर दुसरी भूमिका एकदम बिनधास्त असल्याचं दिसून येतंय. तसेच अभिनेता वरुण शर्मा देखील या चित्रपटामध्ये डबल रोलमध्ये पाहायला मिळणार आहे. पोस्टरमध्ये इतर कलाकार रेट्रो लूकमध्ये दिसत आहेत. या चित्रपटामध्ये हिंदीमधील टॉपच्या अभिनेत्री देखील काम करताना दिसणार आहेत.
आणखी वाचा – सैफ-करीनाचा लाडका तैमूर घेतोय तायक्वांदोचं प्रशिक्षण, व्हिडीओ सोशल मीडियावर व्हायरल
जॅकलिन फर्नांडिस, पुजा हेगडे या चित्रपटात मुख्य भूमिकेत काम करताना दिसतील. त्याचबरोबरीने सिद्धार्थ जाधव, सौरभ गोखले या मराठी कलाकारांच्या ही या चित्रपटामध्ये महत्त्वाच्या भूमिका आहेत. सोशल मीडियावर या चित्रपटाच्या पोस्टरला चांगलीच पसंती मिळताना दिसत आहे. चित्रपट येत्या २३ डिसेंबरला म्हणजे ऐन ख्रिसमसच्या मोक्यावर बॉक्स ऑफिसवर दाखल होणार आहे.
