‘बंटी और बबली २’चा टीझर प्रदर्शित, १२ वर्षांनंतर सैफ आणि राणी मुखर्जी पुन्हा एकत्र

जवळपास १६ वर्षांनंतर या चित्रपटाचा सिक्वेल प्रेक्षकांच्या भेटीला येणार आहे

saif ali khan, rani mukharjee, bunty aur babli 2, bunty aur babli 2 teaser, bunty aur babli 2 teaser out,

बॉलिवूडचा नवाब सैफ अली खान आणि अभिनेत्री राणी मुखर्जी यांचा ‘बंटी और बबली २’ हा चित्रपट लवकरच प्रेक्षकांच्या भेटीला येणार आहे. नुकताच या चित्रपटाचा टीझर प्रदर्शित झाला असून सोशल मीडियावर चर्चेत आहे. या चित्रपटाच्या निमित्ताने सैफ आणि राणी जवळपास १२ वर्षानंतर एकत्र काम करताना दिसणार आहेत.

‘बंटी और बबली २’ या चित्रपटाच्या टीझरच्या सुरुवातीला राणी मुखर्जी आणि सैफ गप्पा मारताना दिसत आहे. त्यावेळी दोघेही जवळपास १२ वर्षांनंतर एकत्र काम करत असल्याचे सांगत आहेत. त्याचवेळी मागून सिद्वांक चतुर्वेदी आणि शारवरी यांची एण्ट्री होते. सध्या सोशल मीडियावर चित्रपटाचा ट्रेलर चर्चेत आहे. तसेच सैफ आणि राणीला एकत्र पाहण्यासाठी चाहते उत्सुक आहेत.
Video: काजोल आणि बहिण तनिषामध्ये भर मंडपात जुंपली, आईने केली मध्यस्थी

‘बंटी और बबली’ हा चित्रपट २००५ साली प्रदर्शित झाला होता. या चित्रपटात अभिनेता अभिषेक बच्चन आणि राणी मुखर्जी मुख्य भूमिकेत होते. तसेच अमिताभ बच्चन आणि ऐश्वर्या राय बच्चन देखील चित्रपटात झळकले होते. आता जवळपास १६ वर्षांनंतर या चित्रपटाचा सिक्वेल प्रेक्षकांच्या भेटीला येणार आहे. या चित्रपटाने बॉक्स ऑफिसवर तुफान कमाई केली होती. आता ‘बंटी और बबली २’ या चित्रपटात अभिषेक ऐवजी सैफ अली खान मुख्य भूमिकेत दिसणार आहे. त्यामुळे चाहत्यांमध्ये चित्रपटाची उत्सुकता पाहायला मिळते.

येत्या १९ नोव्हेंबरला ‘बंटी और बबली २’ हा चित्रपट प्रेक्षकांच्या भेटीला येणार आहे. यापूर्वी राणी आणि सैफने ‘हम तुम’, ‘तारा रम पम’ आणि ‘थोडा प्यार थोडा मॅजिक’ चित्रपटात एक दिसले होते. आता जवळपास १२ वर्षांनंतर ते पुन्हा ‘बंटी और बबली २’ चित्रपटाच्या निमित्ताने एकत्र दिसणार आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Saif ali khan and rani mukharjee bunty aur babli 2 teaser is out avb

Next Story
चित्ररंग : फक्त जिस्मदर्शन