‘जय भीम’ चित्रपटातील त्या सीनवर जोरदार टीका, हटवण्याची केली जातेय मागणी

तमिळ सुपरस्टार सूर्या या चित्रपटात मुख्य भूमिकेत आहे.

तमिळ सुपरस्टार सूर्याचा ‘जम भीम’ हा चित्रपट २ नोव्हेंबर रोजी अॅमेझॉन प्राईम या ओटीटी प्लॅटफॉर्मवर प्रदर्शित झाला होता. पण आता हा चित्रपट वादाच्या भोवऱ्यात अडकला आहे. या चित्रपटातील एका सीनवर आक्षेप घेतला जात असून तो हटवण्याची मागणी सोशल मीडियावर केली जात आहे.

टी जे ज्ञानवेल यांनी दिग्दर्शित केलेल्या ‘जय भीम’ चित्रपटात अभिनेते प्रकाश राज यांनी महत्त्वाची भूमिका साकारली आहे. चित्रपटातील एका सीनमध्ये त्यांनी हिंदी बोलणाऱ्या एका व्यक्तीच्या कानशिलात लगावली आहे. हा सीन सध्या सोशल मीडियावर चर्चेत आहे. काही यूजरने या सीनवर आक्षेप घेतला असून चित्रपटातून हटवण्याची मागणी केली आहे.

एका यूजरने ‘आम्ही तामिळ चित्रपटांची वाट पाहात असतो. पण हा चित्रपट पाहिल्यानंतर मला वाईट वाटले. अशा सीन्सची खरच चित्रपटात गरज नाही. आशा आहे की निर्माते असे सीन्स हटवतील’ असे म्हटले आहे.

काय आहे सीन?
‘जय भीम’ चित्रपटातील एका सीनमध्ये एक व्यक्ती हिंदी भाषेत प्रकाश राज यांच्याशी बोलत असतो. त्यावेळी प्रकाश राज त्या व्यक्तीच्या कानशिलात लगावतात. त्यानंतर ती व्यक्ती मला का मारले असा प्रश्न विचारताना दिसत आहे. त्यावर प्रकाश राज यांनी ‘तमिळमध्ये बोल’ असे म्हटले आहे. याच सीनवर सध्या आक्षेप घेतला जात आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Surya tamil film jai bhim controversy prakash raj slaps hindi speaking man avb

Next Story
नाट्यरंग : ‘चित्रगोष्टी’ : चित्रं अन् जगण्याचं अन्योन्य नातं!
ताज्या बातम्या