अभिनेता सुशांत सिंह राजपुत आत्महत्या प्रकरणाची चौकशी मुंबई पोलिसांकडून सुरू असतानाच सुशांतचे वडील के. के. सिंह यांनी अभिनेत्री रिया चक्रवर्ती विरोधात पोलीस तक्रार दाखल केली. या तक्रारीमुळे संपूर्ण तपासाला आता वेगळं वळण लागलं आहे. दरम्यान या प्रकरणावर अभिनेता अध्ययन सुमन याने प्रतिक्रिया दिली आहे. तू किती पळणार आहेस? एक दिवस थकून मरशील, असं म्हणत त्याने रिया चक्रवर्तीवर जोरदार टीका केली. अवश्य पाहा - Sushant Suicide Case: "असत्याचा पराभव निश्चित"; अभिनेत्याचं रियाच्या वकिलांना आव्हान "रिया तुझं खरं रुप आता लवकरच जगासमोर येईल. तू या प्रकरणातून पळू शकतेस पण किती दिवस पळणार? एक दिवस थकून मरशील. मला माहिती आहे चुकीच्या लोकांची साथ देणं किती त्रासदायक ठरतं." अशा आशयाचं ट्विट करुन अध्ययनने रिया विरोधात संताप व्यक्त केला आहे. त्याचं हे ट्विट सध्या सोशल मीडियावर सर्वांचेच लक्ष वेधून आहे. #RheaChakraborthy your “rheality” will be out soon ! You can run but you will die tired ! #SushantTruthNow #SushantRheaTwist I know how scary it is to get involved with wrong people ! It’s horrific ! — adhyayan summan (@AdhyayanSsuman) July 30, 2020 अवश्य पाहा - Sushant Suicide Case: खरंच रिया चक्रवर्ती फरार आहे का? पाटणा पोलीस म्हणाले… सुशांतची गर्लफ्रेंड आणि अभिनेत्री रिया चक्रवर्ती विरोधात मंगळवारी रात्री पाटणा येथील पोलीस ठाण्यात गुन्हा दाखल केला होता. त्यानंतर हे प्रकरण पुन्हा एकदा चर्चेत आलं. त्यात सुशांतच्या वडिलांचे वकील विकास सिंह यांनी इंडिया टुडेशी बोलताना मुंबई पोलिसांना आधीच माहिती दिली होती, असा दावा केला आहे. “सुशांतच्या कुटुंबीयांनी मुंबईतील वांद्रे पोलिसांना २५ फेब्रुवारी रोजी याची माहिती दिली होती. सुशांत चुकीच्या लोकांच्या संगतीत आहे. या प्रकरणात पोलिसांनी लक्ष घालावे, जेणेकरून त्याचं नुकसान होणार नाही. ही माहिती पोलिसांना देण्यात आली तेव्ही सुशांत पूर्णपणे रिया चक्रवर्तीच्या नियंत्रणाखाली गेलेला होता,” असं सिंह म्हणाले.