बॉलिवूड अभिनेता सुशांत सिंह राजपूतने आत्महत्या करुन जवळपास दीड महिना उलटला आहे. पण त्याच्या आत्महत्येचे नेमकं कारण अद्याप समोर आलेलं नाही. अनेक कलाकारांनी याप्रकरणी सीबीआय चौकशी करण्याची मागणी देखील केली आहे. दरम्यान, बुधवारी या घटनेला वेगळ वळण मिळालं. सुशांतचे वडील के. के. सिंह यांनी सुशांत सिंह गर्लफ्रेंड व अभिनेत्री रिया चक्रवर्तीविरोधात तक्रार दाखल केली. या प्रकरणात सिंह यांच्या वकिलांनी खळबळजनक दावा केला आहे. सुशांतच्या वडिलांचा मुंबई पोलीस करत असलेल्या तपासावर विश्वास नाही," असं वकील विकास सिंह यांनी म्हटलं आहे. सुशांतसिंह आत्महत्या प्रकरणी सुशांतच्या वडिलांची बाजू मांडणारे वकील विकास सिंह यांनी 'सीएनएन न्यूज १८'ला दिलेल्या मुलाखतीमध्ये मोठा खुलासा केला आहे. 'सुशांतच्या आत्महत्येप्रकरणी मुंबई पोलीस करत असलेल्या तपासावर सुशांतच्या कुटुंबीयांचा विश्वास नाही. सुशांतच्या आत्महत्या प्रकरणात एका प्रोडक्शन हाऊसचे नाव घेण्यासाठी कुटुंबावर दबाव आणला जात आहे" असं विकास सिंह यांनी म्हटलं आहे. #EXCLUSIVE | Sushant’s family do not trust the Mumbai Police because of the way they have been investigating in this case. The family is being pressurised to name production houses as the reason for his death: Vikas Singh (Sushant’s kin’s lawyer) tells @AnushaSoni23. pic.twitter.com/XVak3tViEl — CNNNews18 (@CNNnews18) July 29, 2020 सुशांतच्या वडिलांनी अभिनेत्री रिया चक्रवर्तीविरोधात तक्रार दाखल केली. त्यांनी दिलेल्या फिर्यादीवरून पाटणा पोलिसांनी तिच्याविरोधात गुन्हा दाखल केला आहे. सुशांतच्या वडिलांनी तक्रारीत रिया चक्रवर्तीने सुशांतकडून पैसे घेतल्याचा आरोप केला आहे. तसंच सुशांतला धमक्या दिल्याचंही म्हटलं आहे. त्यानंतर आता अटकपूर्व जामिनासाठी रियाने प्रयत्न सुरू केल्याचं समजतंय. रियाने मंगळवारी रात्री वकिलांची भेट घेतली. बुधवारी ती अटकपूर्व जामिनासाठी अर्ज करणार असल्याचं वृत्त आहे. रियाचे वकील सतीश मानशिंदे यांनी जामिनासाठीची सर्व कागदपत्रे तयार केली आहेत.
