आर.जे. सायमाला ट्रोल केल्यामुळे भडकली स्वरा भास्कर; म्हणाली “आपल्या देशात विकृत…”

सुप्रसिद्ध रेडिओ जॉकी आर.जे. सायमा यांनी भारताच्या विजयी झाल्याच्या निमित्ताने ‘वाह! आपण जिंकलो! काय सामना होता! एकदम रोमांचक!’ हे एक ट्वीट केले. या ट्वीटमुळे त्यांना ट्रोल केले जात आहे. या ट्वीटवर ऋषी बागरे या व्यक्तीने ट्रोल करणारी एक कमेंट केली. ‘तुम्ही चुकताय मॅम. आज भारताने सामना जिंकला आहे.’ असे विधान करुन ऋषी बागरेने आर.जे. सायमा यांना ट्रोल केले आहे. तर एका युजरने ‘पण भारताने सामना जिंकला आहे. तुम्ही का आनंदी आहात ?’ असे म्हटले आहे. दुसऱ्या युजरने ‘तुम्ही हारला आहात, त्रास होत असेल ना..’ अशा पद्धतीचे ट्वीट केले आहे.
आणखी वाचा- “मला आदित्य चोप्राचा अभिमान आहे..” अनुपम खेर यांनी दिले अनुराग कश्यपच्या टीकेला उत्तर

सायमाचे ट्वीट आणि त्याच्या खाली असलेली ऋषी बागरे या व्यक्तीची कमेंट यांचा एकत्रित स्क्रीनशॉट अभिनेत्री स्वरा भास्करने पोस्ट केला आहे. या स्क्रीनशॉटला कॅप्शन देताना स्वरा म्हणाली, “आपल्या देशात किती विकृत आणि नीच मनस्थितीचे असतील ते लोक जे आपल्या देशाच्या, आपल्या संघाच्या विजयाचा आनंद साजरा करण्याऐवजी आपल्याच देशातील नागरिकांना शिव्या घालण्यात आणि लोकांमध्ये घृणा पसरवण्यात मग्न आहेत. सायमा तुला खूप प्रेम.”

आणखी वाचा-“बॉलिवूड म्हणजे ड्रग्ज, दारू, सेक्स आणि…” हिंदी चित्रपटसृष्टीच्या प्रतिमेबाबत स्वरा भास्करचं स्पष्ट मत

ट्वीटच्या माध्यमातून स्वरा भास्करने आर.जे. सायमा यांना समर्थन देत ट्रोलर्संवर टीका केली आहे. तिच्या या कृतीमुळे तिचे कौतुक होत आहे. तसेच सायमा यांनाही मोठा पाठिंबा मिळत आहे. स्वरासह बऱ्याच सेलिब्रिटींनी ट्रोलर्संविरोधात ट्वीट करत आपली भूमिका मांडली आहे.