छोट्या पडद्यावरील 'चला हवा येऊ द्या' हा लोकप्रिय कार्यक्रमांपैकी एक आहे. झी मराठी वाहिनीवरील या कार्यक्रमात अनेक सेलिब्रिटी हजेरी लावत असतात. या कार्यक्रमातील कलाकार प्रेक्षक व सेलिब्रिटींनी त्यांच्या विनोदाने पोट धरुन हसायला भाग पाडतात. थुकरटवाडीत आता बॉलिवूड अभिनेता मनोज बाजपेयी हजेरी लावणार आहे. झी मराठीच्या ऑफिशिअल सोशल मीडिया पेजवरुन 'चला हवा येऊ द्या'च्या नवीन भागाचा प्रोमो व्हिडीओ शेअर करण्यात आला आहे. या व्हिडीओमध्ये मनोज बाजपेयीने मराठमोळा अभिनेता संतोष जुवेकरसह 'चला हवा येऊ द्या' शोमध्ये हजेरी लावल्याचं दिसत आहे. थुकरटवाडीतील कलाकारांच्या विनोदाने मनोज बाजपेयीलाही हसू अनावर झाल्याचं व्हिडीओत पाहायला मिळत आहे. https://www.instagram.com/reel/Cssukk-IQ_e/?utm_source=ig_web_copy_link&igshid=MzRlODBiNWFlZA== हेही वाचा>> “काही व्यक्ती …”, विलासराव देशमुख यांच्या आठवणीत जिनिलीया भावुक, शेअर केली खास पोस्ट 'चला हवा येऊ द्या' शोच्या या व्हिडीओमध्ये कुशल बद्रिके व स्नेहल शिदम "मै आयी हू युपी बिहार लुटने" गाण्यावर डान्स करताना दिसत आहेत. याबरोबरच श्रेया बुगडे, भाऊ कदम व शोमधील इतर कलाकार विनोदी प्रहसन सादर करुन प्रेक्षकांचं मनोरंजन करताना दिसत आहेत. त्यांचे विनोद ऐकून मनोज बाजपेयी पोटी धरुन हसत असल्याचं व्हिडीओत दिसत आहे. हेही वाचा>> “२२ वर्षांच्या सहवासात…”, पहिल्या पत्नीबाबत आशिष विद्यार्थी यांचं वक्तव्य, घटस्फोटाचं कारण देत म्हणाले, “आमच्या मुलाला…” 'चला हवा येऊ द्या' या कार्यक्रमात याआधीही अनेक बॉलिवूड सेलिब्रिटींनी हजेरी लावली आहे. या कार्यक्रमात आता मनोज बाजपेयी येणार असल्याने चाहतेही खूश आहेत. अनेकांनी यावर कमेंटही केल्या आहेत.
