“माझा माझ्यावर विश्वास नाही…” सुबोध भावेने सांगितला ‘तो’ किस्सा, म्हणाला “मी दररोज…”

सुबोध भावेने नुकतंच अवधूत गुप्तेच्या ‘खुपते तिथे गुप्ते’ या कार्यक्रमाला हजेरी लावली. यावेळी त्याने त्याच्या खासगी आयुष्यासह सिनेसृष्टीबद्दलही भाष्य केले. यावेळी अवधूतने त्याला एक प्रश्न विचारला. घरातून बाहेर पडताना चार चार वेळा कुलूप लावलंय की नाही असं तपासणारे लोक असतात. असे काही खुपणारे गुण सुबोधमध्येही आहेत का? असे अवधूत गुप्ते म्हणाला.
आणखी वाचा : “प्रसिद्धीसाठी वापर, पॉकेटमनी अन्…”, मानसी नाईकने सांगितली लग्न व घटस्फोटाची संपूर्ण कहाणी; म्हणाली “त्यांच्या घरी धुणी-भांडी”

त्यावर सुबोध म्हणाला, “माझा माझ्यावर विश्वास नाही. घरातलं सोडं मी जेव्हा कॉलेजमध्ये होतो तेव्हा थिएटर अकादमीतील मुलांनी एकत्र येऊन एक ग्रुप चालू केला होता. त्याद्वारे आम्ही विविध नाटकाच्या तालीम करायचो. अकादमीच्या ऑफिसमधून बाहेर पडल्यानंतर मी घरी यायचो.”

“माझं घर, अकादमीचं ऑफिस या दरम्यान माझा एक मित्र राहायचा. मी दररोज रात्री ११.३० ते १२ च्या दरम्यान त्याला उठवायचो. त्याला सांगायचो की, ‘आताच्या आता जा आणि अकादमीच्या ऑफिसचं कुलूप लावलंय की नाही ते बघून ये.’

तेव्हा तो म्हणायचा, ‘अरे आपण सर्वजण एकत्र बाहेर पडलो, तू कुलूप लावलं आहेस.’ ‘तरीही मी त्याला नाही तू आताच जा आणि कुलूप नीट लावलं की नाही ते ओढून बघ. मी दररोज हे करायचो'”, असा किस्सा सुबोधने यावेळी सांगितला.

आणखी वाचा : “मी खंबीररित्या जगू शकत नाही…”, ‘पुष्पा’ फेम अभिनेत्रीने ढसाढसा रडत मांडली व्यथा, म्हणाली “एक सेलिब्रेटी असल्याने…”

दरम्यान ‘खुपते तिथे गुप्ते’ या कार्यक्रमात सुबोध भावेने भारतीय चित्रपटसृष्टीचे जनक दादासाहेब फाळके यांच्याशी फोनद्वारे संवाद साधला. यावेळी दादासाहेब फाळके यांच्याशी बोलताना त्याने भावनिक साद घातली. “दादासाहेब ही सिनेसृष्टी जिवंत राहण्यासाठी त्याचा व्यवसाय म्हणून विचार करणं आणि त्या दृष्टीने पावलं टाकणं गरजेचे आहे”, असे सुबोध भावेने म्हटले.