‘ती परत आलीये’मध्ये कोणी तरी येणार येणार गं!!!

डोहाळे जेवण हा कार्यक्रम लोकप्रिय मराठी चित्रपट ‘अशी ही बनवाबनवी’ मधील कोणी तरी येणार येणार गं या गाण्याशिवाय अपूर्ण आहे. त्यामुळे मालिकेत देखील वातावरणातील गंभीरता कमी करण्यासाठी अगदी उत्साहात रोहिणीचं डोहाळे जेवण साजरी करण्यात येणार आहे आणि त्यात हे गाणं देखील असणार आहे. या गाण्यावर हणम्या म्हणजे अभिनेता समीर खांडेकर आणि टिक्या म्हणजेच अभिनेता प्रथमेश हे दोघे थिरकताना दिसतील.

या गाण्याच्या शूटिंगच्या दरम्यान सर्व कलाकारांनी धमाल केली आणि या गाण्याच्या शूटींगचा व्हिडीओ सध्या सोशल मीडियावर व्हायरल होतो आहे. नेटिझन्सना देखील सर्व कलाकारांची शूटिंग दरम्यान चाललेली मजा मस्ती पाहून धमाल येतेय. ती परत आलीये मालिकेत आलेले हे आनंदाचे क्षण किती वेळ टिकतील? या आनंदावर विरजण पाडण्यासाठी ‘ती’ काही अघटित घडवून आणणार का? हे प्रेक्षकांना आगामी भागात पाहायला मिळेल.