धोनीला आकाश अंबानीने शिकवलं दांडिया खेळायला, मग थाला अन् ब्राव्होची जोरदार जुगलबंदी, व्हिडीओ पाहिलात का?

प्रसिद्ध क्रिकेटपटू ड्वेन ब्राव्हो व भारतीय क्रिकेट संघाचा माजी कर्णधार एमएस धोनी यांना घेऊन मुकेश अंबानी व नीता अंबानी दांडिया खेळायला आले. या दोन्ही क्रिकेटपटूंच्या हातात बॅटऐवजी दांडिया होते. त्यांना आकाश अंबानीने दांडिया खेळायला शिकवलं आणि नंतर ते इतर काही जणांबरोबर दांडिया खेळताना कॅमेऱ्यात कैद झाले. ब्राव्हो व धोनीचा हा व्हिडीओ सोशल मीडियावर चर्चेत आहे.

Video : बॉलीवूडचे तीन खान आले एकत्र! अनंत अंबानींच्या प्रे-वेडिंगमध्ये सलमान-शाहरुख व आमिरचा डान्स; गाणं होतं खूपच खास

धोनी व ब्राव्होच्या या दांडिया खेळतानाच्या व्हिडीओवर चाहते लाइक्स व कमेंट्सचा वर्षाव करत आहेत. काहींनी धोनीच्या लूकसंदर्भातही व्हिडीओवर कमेंट्स केल्या आहेत. ब्राव्हो व धोनीचा दांडिया उपस्थितांनी एंजॉय केल्याचं पाहायला मिळालं.

दरम्यान, अनंत अंबानी व राधिका मर्चेंट यांच्या तीन दिवसांच्या प्री-वेडिंग कार्यक्रमाचा आज समारोप होणार आहे. जामनगरमधील या प्री-वेडिंग सोहळ्याची सध्या सोशल मीडियावर खूपच चर्चा आहे.