बॉलीवूड अभिनेता अभिषेक बच्चनने काही दिवसांपूर्वीच त्याचा ४०वा वाढदिवस साजरा केला. अभिषेकच्या बर्थडे सेलिब्रेशनसाठी संपूर्ण बच्चन कुटुंबिय मालदीवला गेले होते. त्यानंतर भारतात परतल्यानंतर अभिषेक आणि ऐश्वर्या आपल्या लेकीसह बंगळुरु येथे कबड्डी मॅच पाहण्यासाठी गेले. अभिषेकची मालकी असलेल्या जयपूर पिंक पॅन्थर या संघाच्या टीमने यावेळी अभिषेकचा वाढदिवस केक कापून साजरा केला. याचा व्हिडिओ एका चाहत्याने यू ट्यूबवर टाकला आहे. या व्हिडिओत अभिषेक केक कापताना दिसतो. पण या व्हिडिओत बघण्यासारखी गोष्ट म्हणजे अभिषेक-ऐशची चिमुरडी आराध्या आपल्या इवल्या हाताने तिच्या बाबाला केक भरवताना दिसते.