News Flash

मास्क आणि सॅनिटायझरचा काळाबाजार केल्यास कारवाई

अन्न आणि औषध प्रशासनाच्या उत्पादकांना सूचना

(संग्रहित छायाचित्र)

केंद्र सरकारने मास्क आणि सॅनिटायझर अत्यावश्यक बाबींमध्ये समाविष्ट करण्याचा निर्णय घेतला असून, या वस्तूंचा काळाबाजार झाल्याचे दिसून आल्यास कडक कारवाई केली जाईल, अशी सूचना अन्न आणि औषध प्रशासनाने उत्पादकांना शनिवारी दिली.

बाजारात मास्क, सॅनिटायझरचा निर्माण झालेला तुटवडा आणि परिणामी होणाऱ्या काळाबाजारावर निर्बंध आणण्यासाठी केंद्र सरकारने त्यांचा अत्यावश्यक बाबींमध्ये समावेश केला आहे. त्याच्या अंमलबजावणीसाठी अन्न व औषध प्रशासनमंत्री राजेश शिंगणे यांनी मुंबई, कोकण विभागातील उत्पादकांची बैठक शनिवारी घेतली. या बैठकीत सचिव डॉ. संजय मुखर्जी, आयुक्त अरुण उन्हाळे यांच्यासह २० उत्पादक आणि प्रमुख वितरकांचे प्रतिनिधी हजर होते.

सध्या असलेला साठा, उत्पादन क्षमता आणि बाजारातील मागणी याचा आढावा बैठकीत घेतला गेला. पुरवठादारांच्या अडचणी संबंधित विभागाशी संपर्क साधून सोडविण्यात येतील, असे शिंगणे यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 15, 2020 1:46 am

Web Title: action to take if a mask and sanitizer are marketed abn 97
Next Stories
1 कल्याण-डोंबिवली महापालिका क्षेत्रातील १८ गावांची स्वतंत्र नगर परिषद
2 केईएममध्ये लवकरच करोना तपासणी प्रयोगशाळा
3 आंतरराष्ट्रीय शिक्षणमंडळातील गैरप्रकार खपवून घेणार नाही!
Just Now!
X