24 January 2021

News Flash

‘गँग्ज ऑफ वासेपूर 2’फेम अभिनेत्याविरोधात फसवणुकीची तक्रार दाखल

निर्मात्याने केला फसवणुकीचा आरोप

‘गँग्ज ऑफ वासेपूर 2’ मध्ये झळकलेला अभिनेता झिशान कादरी याच्याविरोधात फसवणुकीची तक्रार दाखल करण्यात आली आहे. झिशानने कोटयवधींची अफरातफर केल्याचं या तक्रारीत म्हटलं आहे. अभिनेता असण्यासोबतच झिशान स्क्रीन रायटर असून त्याची ‘फ्रायडे टू फ्रायडे एन्टरटेन्मेंट’ ही कंपनीदेखील आहे.

‘न्यूज18’च्या वृत्तानुसार, अंधेरीच्या आंबोली पोलीस ठाण्यात झिशानविरोधात तक्रार दाखल करण्यात आली आहे. झिशानने कोटयवधींची फसवणूक केल्याचा आरोप निर्माते जतीन सेठी यांनी केला असून त्यांनी तक्रार दाखल केली आहे.

झिशान कादरी आणि त्याच्या कंपनीसोबत एका वेब सीरिजसाठी करार करण्यात आला होता. पण झिशानने माझी फसवणूक केली. या वेब सीरिजसाठी आर्थिक गुंतवणूक करतो असं सांगून त्याने माझ्याकडून पैसे घेते. मात्र, त्याने त्याच्याकडून एकाही रुपयांची गुंतवणूक केली नाही. ज्यामुळे मला कोटयवधींचं नुकसान झालं आहे, असं जतीन सेठी म्हणाले.

दरम्यान, झिशान कादरी यांच्या तक्रारीमध्ये प्रियांका बसी या महिलेच्या नावाचादेखील उल्लेख करण्यात आला आहे. झिशान याने ‘गँग्स ऑफ वासेपूर’, ‘छलांग’ आणि ‘हलचल’ यासारख्या चित्रपटांचं स्क्रीन रायटींग केलं आहे. तसंच त्याने ‘गँग्स ऑफ वासेपूर’मध्ये डेफिनेट ही भूमिका साकारली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 2, 2020 9:51 am

Web Title: complaint file against screenwriter zeishan quadri up ssj 93
Next Stories
1 अपयशी राज्यातील बेरोजगारी लपवण्यासाठी मुंबईत आलेला ‘ठग’; मनसेचा योगींना अप्रत्यक्ष टोला
2 कोणत्याही धर्मीयांच्या भावनांचा आदर करणं म्हणजे हिंदुत्वाला सोडचिठ्ठी नाही : शिवसेना
3 लांब पल्ल्यांसाठीही परळमध्ये टर्मिनस
Just Now!
X