राज ठाकरेंनी आधी उत्तर भारतीयांची माफी मागावी: संजय निरुपम

राज ठाकरे हे उत्तर भारतीयांच्या कार्यक्रमाला उपस्थित राहणार असल्याचे निश्चित झाल्यानंतर आता राजकीय वर्तुळातून प्रतिक्रिया येण्यास सुरुवात झाली आहे. काँग्रेसचे मुंबई अध्यक्ष संजय निरुपम यांनी राज ठाकरे यांच्या या निर्णयाचे स्वागत केले आहे. परंतु, राज यांनी या कार्यक्रमात सहभागी होण्यापूर्वी उत्तर भारतीय समाजाची माफी मागावी, अशी मागणी त्यांनी केली आहे. मनसेने मागील काही वर्षे ज्या पद्धतीने उत्तर भारतीयांना वागणूक दिली, मारहाण केली, त्याबद्दल आधी त्यांनी माफी मागावी. त्यानंतरच उत्तर भारतीय समाज त्यांना स्वीकारेल, असे वक्तव्य निरुपम यांनी केले आहे.