दिवाळीवरही पावसाचं सावट, मुंबईत पुढील दोन दिवस जोरदार पावसाची शक्यता

“मागील काही वर्षात हवामानात मोठ्या प्रमाणावर बदल झाले आहेत. हे बदल आपल्या दैनंदिन जीवनात दिसून येत आहेत. त्याविषयी सांगायचे झाल्यास, काही ठिकाणी जोरात पाऊस, तर काही ठिकाणी रखरखीत ऊन हे वातावरणातील बदल ग्लोबल वॉर्मिंगमुळे होत आहेत”, अशी माहिती पुणे वेधशाळेचे अनुपम कश्यपी यांनी दिली आहे.

अनुपम कश्यपी यांनी पुढे सांगितलं की, “यंदा मान्सूनने जूनच्या दुसर्‍या आठवड्यात आगमन केले. पण त्यानंतर काही काळ मान्सूनमध्ये खंड पडला. त्यानंतर राज्यातील बहुतांश भाग मान्सूनने व्यापून टाकला. जूनच्या दुसर्‍या आठवड्यात सुरू झालेला पाऊस १६ ऑक्टोबर रोजी परत गेला. मात्र पुन्हा राज्यातील अनेक भागात पावसाची संततधार सुरू झाली आहे. त्यामुळे सध्याच्या हवामानाचा अंदाज लक्षात घेता, १० नोव्हेंबरपर्यंत काही ठिकाणी जोरदार, तर काही ठिकाणी मध्यम स्वरूपाचा पाऊस पाडण्याचा अंदाज आहे. १० तारखेनंतर नोव्हेंबरच्या अखेरच्या आठवड्यापर्यंत हलक्या सरी पडण्याच्या शक्यता आहे”.

हिवाळ्यावरही परिणाम होण्याची शक्यता
राज्यात ज्याप्रकारे पाऊस झाला आहे. त्याच प्रमाणात थंडी देखील पडणार आहे. सर्वाधिक थंडी जानेवारीच्या दरम्यान पडणार असल्याचं त्यांनी यावेळी सांगितलं.