26 September 2020

News Flash

परवानग्या नसताना शिवस्मारकाचे जलपूजन करणे म्हणजे शिवरायांचा अपमान : धनंजय मुंडे

छत्रपतींचे आंतरराष्ट्रीय स्मारक उभारले जाते आहे साधा पुतळा उभारला जात नाही हे लक्षात घ्या, असे ते म्हणाले.

छत्रपती शिवाजी महाराजांच्या स्मारकाला मुळात सर्व परवानग्याच नव्हत्या तर पंतप्रधानांनी जलपूजन कशाला केले, असा सवाल करतानाच हा महाराजांचा अपमान आहे, असा आरोप विधानपरिषदेचे विरोधी पक्षनेते धनंजय मुंडे यांनी केला आहे. सभागृहात छत्रपती शिवाजी महाराजांच्या स्मारकाचा विषय शेकापचे आमदार जयंत पाटील यांनी उपस्थित केल्यानंतर या चर्चेत सहभाग घेताना धनंजय मुंडे यांनी सरकारवर जोरदार हल्लाबोल केला.

या आंतरराष्ट्रीय स्मारकाच्या समितीचे प्रमुख विनायक मेटे यांनी मुख्यमंत्र्यांना आठ पानी पत्र लिहीले होते त्यात सुद्धा त्यांनी या स्मारकाचे कंत्राट कशाप्रकारे चुकीचे दिले आहे हे सांगितले आहे. याचा खुलासा सभागृहात व्हायला हवा अशी मागणी मुंडे यांनी यावेळी केली.

हे सरकार परवानग्या घेत नाही. छत्रपतींचे आंतरराष्ट्रीय स्मारक उभारले जाते आहे साधा पुतळा उभारला जात नाही हे लक्षात घ्या. सरकार स्मारकाची उंची कमी करते याबाबत सरकारने भूमिका स्पष्ट केलेली नाही. सरकार याबाबत का भूमिका स्पष्ट करत नाही अशी विचारणाही धनंजय मुंडे यांनी सरकारला केली.

छत्रपती शिवाजी महाराजांच्या स्मारकाबाबत विनायक मेटे यांनी दिलेल्या पत्राचा आणि कामाला स्थगिती का आली आहे, याचा खुलासा मुख्यमंत्र्यांनी करावा अशी मागणीही धनंजय मुंडे यांनी केली. आमदार सतीश चव्हाण यांनीही यावेळी भूमिका मांडली. यावर सरकारतर्फे भूमिका मांडली जात नसल्याने विरोधी आमदारांनी गोंधळ घातल्याने सभापतीनी सभागृहाचे कामकाज तहकूब केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 27, 2019 3:58 pm

Web Title: without permission inauguration of shivsmarak is insult of shivaray says dhananjay munde
Next Stories
1 Maharashtra Budget 2019 : १९ हजार ७८४ कोटी रुपयांची महसूली तूट
2 राज्याचा आज अंतरिम अर्थसंकल्प
3 ‘पाकिस्तानचं अस्तित्त्व जगाच्या नकाशावरून नष्ट झाल्याशिवाय विश्वशांती लाभणार नाही’
Just Now!
X