scorecardresearch

Premium

दलालांच्या तिसऱ्या परीक्षेचा निकाल जाहीर, परीक्षा देणारे ८९ टक्के उमेदवार पात्र

स्थावर संपदा क्षेत्रातील दलालांच्या तिसऱ्या परीक्षेचा निकाल जाहीर झाला आहे. या परीक्षेला एकूण ४९५४ उमेदवार बसले होते, त्यापैकी ४४६१ उमेदवार उत्तीर्ण झाले आहेत.

3rd exam result of brokers announced, 89 percent candidates qualified
महारेराने दलालांसाठी प्रशिक्षण आणि प्रमाणपत्र बंधनकारक केले आहे.(फोटो- प्रातिनिधिक छायाचित्र)

लोकसत्ता प्रतिनिधी

मुंबई : स्थावर संपदा क्षेत्रातील दलालांच्या तिसऱ्या परीक्षेचा निकाल जाहीर झाला आहे. या परीक्षेला एकूण ४९५४ उमेदवार बसले होते, त्यापैकी ४४६१ उमेदवार उत्तीर्ण झाले आहेत. या परीक्षेचा निकाल ८९ टक्के लागला आहे. तीन परीक्षा मिळून आतापर्यंत ७६७८ उमेदवार दलाल म्हणून पात्र ठरले आहेत.

नागपूर ‘एम्स’मध्ये अधिष्ठाता पदांच्या निकषांना छेद ! कायद्यात अशी आहे तरतूद..
Will the candidates be affected by the delay in the MPSC exam
‘एमपीएससी’च्या परीक्षा लांबल्याने उमेदवारांना फटका बसणार का?
Concern for Law Faculty Examinee
विधि शाखेच्या परीक्षार्थींना चिंता, पदव्युत्तरच्या प्रथम सत्र फेरपरीक्षेचा विद्यापीठाला विसर
student-1
सीईटीच्या परीक्षा शुल्कात वाढ; विद्यार्थ्यांकडून संताप व्यक्त, विरोधी पक्षाच्या आमदारांकडून टीका

रेरा कायद्यानुसार विकासकांबरोबरच स्थावर संपदा क्षेत्राततील दलालांनाही महारेरा नोंदणी बंधनकारक आहे. त्यापुढे जाऊन महारेराने दलालांसाठी प्रशिक्षण आणि प्रमाणपत्र बंधनकारक केले आहे. त्यासाठी महारेराने प्रशिक्षण आणि प्रमाणपत्र परीक्षा सुरु केल्या आहेत. त्यानुसार नुकतीच दलालांची तिसरी परीक्षा झाली. त्या परीक्षेला ४९५४ उमेदवार बसले होते. त्यापैकी ४४६१ यशस्वी झाले. त्यात ३८०३ पुरूष आणि ६५८ महिलांचा समावेश आहे. त्यातील २०० उमेदवार ज्येष्ठ नागरिक असून १० उमेदवारांनी सत्तरी ओलांडलेली आहे. तर दोन जण ८० वर्षांच्यावर आहेत. नागपूरचे एक उमेदवार तब्बल ८५ वर्षांचे आणि दुसरे पुण्याचे उमेदवार ८३ वर्षांचे आहेत.

आणखी वाचा-मुंबई महानगरपालिका रुग्णालयात भूमिगत कचरपेट्या बसवणार

या निकालात मुंबईच्या पल्लवी उपाध्याय, ठाण्याचे अनिलकुमार खंडेलवाल आणि रायगडचे सनी दुग्गल या तिघांनी ९८ टक्के गुण मिळवून संयुक्तपणे गुणानुक्रमे पहिले स्थान मिळवले आहे. दरम्यान पहिल्या परीक्षेचा निकाल ९६ टक्के, दुसर्‍या परीक्षेच्या निकाल ९३ टक्के तर तिसऱ्या परीक्षेचा निकाल ८९ टक्के लागला आहे. तिन्ही परीक्षांमधून आतापर्यंत ७६७८ उमेदवार दलाल म्हणून पात्र ठरले आहेत.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: 3rd exam result of brokers announced 89 percent candidates qualified mumbai print news mrj

First published on: 07-12-2023 at 12:48 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×