मुंबई: मुंबईत सध्या नाकाबंदी दरम्यान मोठ्या प्रमाणात रोकड मिळत आहे. मुलुंड परिसरात गुरुवारी एका मोटारीत पोलिसांना ४७ लाखांची रोकड जप्त केली असून याप्रकरणी पोलीस अधिक तपास करत आहेत. निवडणुकीच्या पार्श्वभूमीवर सध्या सर्वच पोलीस ठाण्यांच्या हद्दीत नाकाबंदी सुरू आहे. मुलुंडमधील बी. आर. रोड परिसरात मुलुंड पोलिसांनी गुरुवारी सायंकाळी नाकाबंदी केली होती. यावेळी एक मोटारगाडी तेथे आली. संशय आल्याने पोलिसांनी तत्काळ गाडी थांबवली. गाडीची तपासणी केली असता त्यात पोलिसांना ४७ लाख रुपये रोकड आढळली. पोलिसांनी ही रक्कम, गाडी आणि गाडीचालकाला ताब्यात घेतले असून याप्रकरणी पोलीस अधिक तपास करत आहेत.