कांजूरमार्ग येथे वास्तव्यास असलेल्या ४५ वर्षीय डॉक्टरकडे अडीच कोटी रुपयांची खंडणी मागितल्याच्या आरोपाखाली अंधेरीतील डी. एन. नगर पोलीस ठाण्यात चौघांविरोधात खंडणीचा गुन्हा दाखल करण्यात आला आहे. हेही वाचा- Deven Bharti : “मुंबई पोलीस दलात कुणीही सिंघम नाही.. आम्ही सगळे..” तक्रारदार शशांक जोशी हे मेंदूर रोग तज्ज्ञ असून ते उपचार करीत असलेल्या रुग्णाचा २०१७ मध्ये मृत्यू झाला होता. याबाबत तक्रार दाखल होताच जे. जे. समितीने संपूर्ण प्रकरणाची तपासणी करून याप्रकरणी हलगर्जीपणा झाला नसल्याचा अहवाल दिला होता. पण त्यानंतरही मृत रुग्णाची पत्नी व इतर आरोपींनी धमकावल्याची तक्रार त्यांनी डी. एन. नगर पोलिसांकडे केली. त्यानुसार पोलिसांनी चौघांविरोधात गुन्हा दाखल केला आहे. याप्रकरणी पोलीस अधिक तपास करीत आहेत.
