मुंबई: महापालिका शाळेत दोन मुलांनी तेरा वर्षीय मुलीवर लैंगिक अत्याचार केला. याप्रकरणी पोलिसांनी बलात्कार, धमकावणे व बाल लैंगिक अत्याचार प्रतिबंधक कायद्यांतर्गत गुन्हा दाखल करण्यात आला आहे. दोन्ही आरोपी अल्पवयीन असल्यामुळे त्यांची रवानगी बालसुधारगृहात करण्यात आली.
पीडित मुलीच्या वहिनीच्या तक्रारीवरून याप्रकरणी गुन्हा दाखल करण्यात आला. तक्रारीनुसार २८ नोव्हेंबरला प्रकार घडला. पीडित मुलगी आठवीत असून असून नृत्य सरावासाठी एका वर्गात गेली होती. त्यावेळी सायंकाळी ५ ते ५.३० च्या सुमारास आरोपींनी तिच्यावर लैंगिक अत्याचार केला. तसेच हा प्रकार कोणालाही अशी सांगू नये धमकी दिली. पीडित मुलीने घडलेला प्रकार वहिनीला सांगितल्यानंतर तिच्या तक्रारीवरून मंगळवारी पोलिसांनी याप्रकरणी लैंगिक अत्याचार प्रतिबंधक कायद्यांतर्गत गुन्हा दाखल केला. दरम्यान, दोन्ही आरोपींना बालसुधारगृहात पाठवण्यात आले आहे, अशी माहिती वरिष्ठ पोलीस निरीक्षक दीपक चव्हाण यांनी दिली.
