मुंबई-पुणे एक्स्प्रेस वे वर अपघात, एकाचा मृत्यू

मुंबई-पुणे एक्स्प्रेस वे वर बुधवारी दुपारी सात ते आठ गाड्यांचा अपघात झाला असून अपघातात एकाचा मृत्यू झाल्याची माहिती समोर आली आहे. ‘एक्स्प्रेस वे’वर मुंबईच्या दिशेने येणाऱया मार्गिकेवर बोर घाटाजवळ हा अपघात झाला. अपघात इतका भीषण होता की जवळपास आठ गाड्या एकमेकांवर आदळल्या आहेत. अपघातात एकाचा जागीच मृत्यू झाला असून दहा जण गंभीर जखमी आहेत. अपघातामुळे मुंबईच्या दिशेने येणारी वाहतूक पूर्णपणे ठप्प पडली आहे.