गीतांजली कुलकर्णी, हृषीकेश जोशी यांच्याबरोबर आज ‘रंगसंवाद’

हेही वाचा >>> वायू प्रदूषण रोखण्यासाठी नवी मार्गदर्शक तत्वे

एकांकिका स्पर्धेत झटून काम करणाऱ्या आणि भविष्यात अभिनय क्षेत्रात जाण्याच्या उद्देशाने तयारी करणाऱ्या युवा स्पर्धकांना या क्षेत्रातील दोन लोकप्रिय कलाकारांकडून त्यांचे अनुभवी बोल ऐकण्याची संधी या ‘रंगसंवाद’च्या माध्यमातून मिळाली आहे. रंगमंचावरून अभिनयाची सुरुवात करत नाटक, चित्रपट आणि ओटीटी या तिन्ही माध्यमांवर आपल्या अभिनयाचे नाणे खणखणीत वाजवणारी अभिनेत्री गीतांजली कुलकर्णी आणि हृषीकेश जोशी यांचे काम, नाट्याभिनयाचे शिक्षण, वाचन या सगळ्यांतून त्यांची स्वत:ची अभिनय शैली विकसित झाली आहे. या क्षेत्रातील प्रदीर्घ अनुभव गाठीशी असलेल्या या दोघांनाही आपल्या मनातील प्रश्न थेट विचारण्याची संधी उदयोन्मुख कलाकारांना मिळणार आहे.