विधान भवनातील मारहाण प्रकरण : सर्जेराव टकले आणि नितीन देशमुख यांना जामीन

त्यानंतर, टकले आणि देशमुख यांच्या वकिलांनी तातडीने दोघांच्या जामीनासाठी अर्ज केला. त्याची दखल घेऊन न्यायालयाने मुंबई पोलिसांना उत्तर देण्याचे आदेश दिले होते. त्यानंतर, लगेचच झालेल्या सुनावणीत न्यायालयाने दोन्ही आरोपींना प्रत्येकी २५ हजार रुपयांच्या मुचलक्यावर जामीन मंजूर केला.

दरम्यान, विधान भवनाच्या आवारात झालेली ही मारहाणीची घटना एक पूर्वनियोजित कट असल्याचा संशय पोलिसांनी व्यक्त केला. तसेच, हा कट कुठे रचला ? यात कोण सहभागी होते ? याचा पोलीस तपास करीत आहेत. नितीन देशमुख यांना विधान भवनात येण्यासाठी आवश्यक असलेला पास कसा उपलब्ध झाला ? याबरोबरच सर्जेराव टकले पासविना आतमध्ये कसे आले ? याचीही चौकशी करत असल्याचे पोलिसांनी न्यायालयाला सांगितले.