लोकसत्ता प्रतिनिधी

मुंबई : कोणत्याही परीक्षेचा निकाल ४५ दिवसांत जाहीर होणे अपेक्षित असताना मुंबई विद्यापीठाने तब्बल ७८ दिवसांनंतर उन्हाळी सत्राअंतर्गत पदव्युत्तर विधि शाखेच्या द्वितीय सत्र परीक्षेचा निकाल शनिवारी जाहीर केला. या परीक्षेत एकूण २४.२४ टक्के विद्यार्थी उत्तीर्ण झाले आहेत.

Even after eight months engineering students are still waiting for mark sheets
मुंबई : आठ महिन्यांनंतरही अभियांत्रिकीचे विद्यार्थी गुणपत्रिकेच्या प्रतीक्षेत
CUET PG exam result announced by NTA pune
‘सीयूईटी-पीजी’ परीक्षेचा निकाल ‘एनटीए’कडून जाहीर, यंदा किती विद्यार्थ्यांनी दिली परीक्षा?
How many candidates appeared in the last offline set exam The set will be held twice a year
शेवटच्या ऑफलाइन सेट परीक्षेला किती उमेदवारांची उपस्थिती? सेट वर्षातून दोनवेळा होणार?
ssc recruitment 2024 career in staff selection commission jobs under the staff selection commission
नोकरीची संधी : ‘स्टाफ सिलेक्शन कमिशन’मधील संधी

मुंबई विद्यापीठातर्फे शैक्षणिक वर्ष २०२२-२३ उन्हाळी सत्राअंतर्गत पदव्युत्तर विधि शाखेची (दोन वर्षीय अभ्यासक्रम) द्वितीय सत्र परीक्षा २९ नोव्हेंबर ते ७ डिसेंबर २०२३ या कालावधीत घेण्यात आली होती. या परीक्षेसाठी एकूण २ हजार ८२८ विद्यार्थ्यांनी नोंदणी केली होती. त्यापैकी २ हजार ५२ विद्यार्थ्यांनी परीक्षा दिली आणि ४२८ विद्यार्थी उत्तीर्ण झाले. तर ७७६ विद्यार्थी परीक्षेला अनुपस्थित होते आणि १ हजार ३३८ विद्यार्थी अनुत्तीर्ण झाले आहेत. विद्यार्थ्यांना विद्यापीठाच्या http://www.mumresults.in/ या अधिकृत संकेतस्थळावर निकाल पाहता येईल.

आणखी वाचा-मुंबई : आंगणेवाडी यात्रेसाठी विशेष रेल्वेगाड्या

निकाल विलंबामुळे शैक्षणिक वर्ष विस्कळीत होऊन भविष्यात उच्च शिक्षण व नोकरीच्या संधींना मुकावे लागण्याची भीती विद्यार्थ्यांमध्ये निर्माण झाली होती. अखेर शनिवारी निकाल जाहीर झाल्यानंतर विद्यार्थ्यांना दिलासा मिळाला.