Andheri Bypoll Election Result 2022 Rituja Latke won by getting more than 66 thousand votes Second number of votes to NOTA mumbai print news msr 87

मतमोजणीच्या १९ फेऱ्या पार पडल्या; टपालाने आलेली मतेदेखील मोजण्यात आली

मुंबई

Updated: November 6, 2022 17:12 IST

(संग्रहित छायाचित्र)

अंधेरी पूर्व विधानसभा पोटनिवडणुकीची मतमोजणी पूर्ण झाली असून उमेदवारांना टपाली मतपत्रिका (पोस्टल) आणि ‘ईव्हीएम’ याद्वारे मिळालेली एकत्रित अंतिम मते जाहीर करण्यात आली आहेत. शिवसेना उद्धव ठाकरे गटाच्या उमेदवार ऋतुजा लटके यांना सर्वाधिक ६६ हजार ५३० मते मिळाली आहेत. दुसऱ्या क्रमांकाची मते अपेक्षेप्रमाणे नोटा या पर्यायाला मिळाली असून १२ हजार ८०६ मतदारांनी नोटाचे बटण दाबले असल्याचे आकडेवारीवरून स्पष्ट झाले आहे.

हेही वाचा – Andheri Bypoll Election Result 2022 : अंधेरी पोटनिवडणुकीतील विजयानंतर ऋतुजा लटकेंची पहिली प्रतिक्रिया, म्हणाल्या…

अंधेरी पूर्व विधानसभा पोटनिवडणुकीच्या सर्व १९ फेऱ्याची अंतिम मतमोजणी पूर्ण झाली असून टपालाने आलेली मतेदेखील मोजण्यात आली आहेत. अंतिम निकाल जाहीर झाला असून ऋतुजा लटके यांना ६६ हजाराहून अधिक मते मिळाली आहेत. या निवडणुकीत भाजपने माघार घेतली होती. मात्र अनेक ठिकाणी मतदारांना नोटाचा पर्याय स्वीकारण्यासाठी पैसे देऊन आवाहन केले जात असल्याचा आरोप शिवसेनेने केला होता. तशा लेखी तक्रारी देखील निवडणूक विभागाकडे व पोलिसांकडे केल्या होत्या. या निवडणुकीत शिवसेनेला कोणताही मोठा प्रतिस्पर्धी नव्हता पण नोटा या पर्यायाशी सामना करावा लागणार होता हे निश्चित झाले होते. लटके यांचा विजय नक्की मानला जात असला तरी किती मतदार नोटाचा पर्याय स्वीकारतात याबाबत उत्सुकता होती. त्यानुसार या निवडणुकीत अन्य सहा उमेदवारांना मागे टाकून दुसऱ्या क्रमांकाची मते नोटाला मिळाली आहेत.

१४ टक्के मतदान ‘नोटा’ला –

या निवडणुकीत एकूण ८६ हजार ५७० मतदारांनी मतदान केले असून त्यापैकी १४ टक्के मते ही नोटा या पर्यायाला आहेत. तर ७६ टक्के मते ऋतुजा लटके यांना मिळाली आहेत. जेवढे मतदान होईल त्यापैकी ९८ टक्के मते लटके यांना मिळतील असा शिवसेनेला विश्वास होता मात्र अपेक्षेपेक्षा कमी मते लटके यांना मिळाली आहेत. मात्र दुसरीकडे शिवसैनिकांनी मात्र नोटाची मते ही भाजपची मते असल्याचे सांगून भाजपला १२ हजारच मते मिळाल्याच्या प्रतिक्रिया समाज माध्यमांवरून व्यक्त केल्या आहेत.

Andheri East Bypoll Election Result : ‘मी नाही खाणार आणि तुला पण नाय खाऊ देणार…’; मनसे नेते वसंत मोरेंची फेसबुक पोस्ट चर्चेत

काँग्रेसची मते कुठे गेली? –

दरम्यान, २०१९ च्या विधानसभा निवडणुकीच्या वेळी रमेश लटके यांना ६२,७७३ मते मिळाली होती. यावेळी काँग्रेसने शिवसेनेला पाठिंबा दिलेला असतानाही लटके यांच्या मतांमध्ये फार मोठा फरक पडला नाही. त्यामुळे काँग्रेसच्या मतांचा शिवसेनेला फार लाभ झालेला दिसला नाही.

This quiz is AI-generated and for edutainment purposes only.

अंतिम मतमोजणी –

ऋतुजा लटके: ६६५३०, बाला नाडार : १५१५, मनोज नायक : ९००, नीना खेडेकर : १५३१, फरहाना सय्यद : १०९३, मिलिंद कांबळे : ६२४, राजेश त्रिपाठी : १५७१, नोटा : १२८०६ आणि एकूण मते : ८६५७०

First published on: 06-11-2022 at 16:15 IST

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Andheri bypoll election result 2022 rituja latke won by getting more than 66 thousand votes second number of votes to nota msr

Andheri Bypoll Election Result 2022 : ऋतुजा लटके ६६ हजारांहून अधिक मते मिळवत विजयी; ‘नोटा’ला दुसऱ्या क्रमांकाची मते

मतमोजणीच्या १९ फेऱ्या पार पडल्या; टपालाने आलेली मतेदेखील मोजण्यात आली

१४ टक्के मतदान ‘नोटा’ला –

काँग्रेसची मते कुठे गेली? –

अंतिम मतमोजणी –