वेगळ्या विदर्भाबाबतचे माझे उत्तर अणेंना विचारा; मुख्यमंत्र्यांचे हजरजबाबी उत्तर

उलटतपासणीच्यावेळी प्रत्येकाला वकील नेमण्याचा अधिकार असतो.

devendra fadnavis, देवेंद्र फडणवीस, CM Devendra fadnavis , Ujjwal nikam , separate Vidarbha, shreehari aney, Marathwada, ujjwal nikam, Loksatta, loksatta news, Marathi, Marathi news
काही दिवसांपूर्वी फडणवीस यांचे निकटवर्तीय श्रीहरी अणे यांना वेगळा विदर्भ आणि मराठवाड्याच्या मुद्द्यावरून राज्याच्या महाधिवक्तापदावरून पायउतार व्हावे लागले होते.

वेगळ्या विदर्भाबाबत ज्येष्ठ वकील उज्ज्वल निकम यांच्याकडून एका कार्यक्रमात विचारण्यात आलेल्या प्रश्नाला उत्तर देताना मुख्यमंत्री देवेंद्र फडणवीस यांच्या हजरजबाबी वृत्तीचा प्रत्यय आला. काही दिवसांपूर्वी फडणवीस यांचे निकटवर्तीय श्रीहरी अणे यांना वेगळा विदर्भ आणि मराठवाड्याच्या मुद्द्यावरून राज्याच्या महाधिवक्तापदावरून पायउतार व्हावे लागले होते. यानंतर ते सातत्याने वेगळ्या विदर्भाबाबतची भूमिका ठामपणे मांडताना दिसत आहेत. हाच धागा पकडत लोकमत’ समूहाच्या ‘महाराष्ट्रीयन ऑफ द इयर’ या पुरस्कार सोहळ्यात उज्ज्वल निकम यांनी मुख्यमंत्र्यांना पेचात टाकणारा प्रश्न विचारला. श्रीहरी अणेंसारखी तुमच्या जवळची मंडळी वेगळ्या विदर्भाची मागणी करतात, याबाबत तुमचे म्हणणे काय आहे, असे निकम यांनी मुख्यमंत्र्यांना विचारले. या प्रश्नाला उत्तर देताना फडणवीसांनी त्यांचा हजरजबाबी वृत्तीचा नमुना पेश केला. उलटतपासणीच्यावेळी प्रत्येकाला वकील नेमण्याचा अधिकार असतो. मी अणेसाहेबांना माझा वकील म्हणून नेमले आहे. त्यामुळे यासंदर्भात माझे उत्तर काय आहे, हे तुम्ही त्यांनाच विचारा, असे सांगत मुख्यमंत्र्यांनी या प्रश्नाचे थेट उत्तर देणे शिताफीने टाळले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Cm devendra fadnavis answer to ujjwal nikam over separate vidarbha

ताज्या बातम्या