congress nana patole criticized bjp and rss over misleading public zws 70 | Loksatta

विषमता पसरवणाऱ्यांचेच आता विरोधात भाष्य ; नाना पटोले यांचे संघावर टीकास्त्र 

संघाने व्यक्त केलेली चिंता म्हणजे केवळ जनतेची दिशाभूल करण्याचा प्रकार आहे

विषमता पसरवणाऱ्यांचेच आता विरोधात भाष्य ; नाना पटोले यांचे संघावर टीकास्त्र 
काँग्रेस नेते नाना पटोले (संग्रहित फोटो)

मुंबई :  देशात सामाजिक विषमता पसरवणारेच आता विषमतेच्या विरोधात बोलू लागले आहेत, अशा शब्दात  काँग्रेसचे प्रदेशाध्यक्ष नाना पटोले यांनी राष्ट्रीय स्वयंसेवक संघ व भाजपवर टीका केली. केंद्रात संघाच्या विचाराचे भाजपचे सरकार आल्यापासून देशात मोठय़ा प्रमाणावर, महागाई, गरिबी व बेरोजगारी वाढली आहे, मात्र त्याबाबत संघाने व्यक्त केलेली चिंता म्हणजे केवळ जनतेची दिशाभूल करण्याचा प्रकार आहे, असे त्यांनी म्हटले आहे.  

या सरकारच्या काळात गरिबांची संख्या प्रचंड वाढली आहे. डॉ. मनमोहन सिंह यांच्या नेतृत्वाखालील संयुक्त पुरोगामी आघाडी (यूपीए) सरकारच्या काळात विकासदर उच्चांकी होता, २४ कोटी जनतेला गरिबी रेषेतून बाहेर काढले होते, परंतु मोदी सरकारच्या काळात चुकीच्या आर्थिक धोरणांमुळे २७ कोटी जनता पुन्हा गरिबी रेषेच्याखाली गेली आहे. काँग्रेस पक्ष तसेच राहुल गांधी सातत्याने हेच मुद्दे मांडून केंद्र सरकारला जाब विचारत असतात. भारत जोडो यात्रेतही महागाई, बेरोजगारी, सामाजिक विषमता हे मुद्दे उचलून धरले जात आहेत, त्यामुळेच संघाला त्याची दखल घ्यावी लागत आहे. परंतु राष्ट्रीय स्वयंसेवक संघाची ही केवळ पोकळ चिंता आहे.  ते जनतेची दिशाभूल करीत आहेत, अशी टीका पटोले यांनी केली.

‘भारत जोडो’ची भाजपला धास्ती –  लोंढे

राहुल गांधी यांच्या नेतृत्वाखालील भारत जोडो यात्रेने देशातील वातावरण ढवळून निघाले आहे. या पदयात्रेला सर्व जाती-धर्माच्या लोकांचा मोठा प्रतिसाद मिळत आहे. या यात्रेची दखल भाजप व राष्ट्रीय स्वयंसेवक संघाला घ्यावी लागत आहे. संरक्षणमंत्री राजनाथ सिंह यांच्या उपस्थितीत सोमवारी लाइट कॉम्बॅट हेलीकॉप्टर वायुसेनेला सुपूर्द करण्याच्या जोधपूर येथील कार्यक्रमात सर्व धर्माच्या धर्मगुरुंना निमंत्रित करण्यात आले होते. भारत जोडो यात्रेची धास्ती घेतल्यानेच भाजपला आता सर्व धर्मसमभावाची आठवण झाली आहे, अशी प्रतिक्रिया प्रदेश काँग्रेसचे मुख्य प्रवक्ते अतुल लोंढे यांनी व्यक्त केली.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
शिवसेना, भाजपची कसोटी ; अंधेरी पूर्व मतदारसंघात ३ नोव्हेंबरला पोटनिवडणूक 

संबंधित बातम्या

“एक पठ्ठ्या ‘उठ दुपारी आणि घे सुपारी’ असाच कार्यक्रम…”, सुषमा अंधारेंची राज ठाकरेंवर बोचरी टीका
ठराविक उद्योजकांना खूश करण्यासाठी प्लास्टिकवरील निर्बंध शिथिलच पर्यावरणप्रेमींचा आरोप
प्रवीण दरेकर यांना आर्थिक गुन्हे शाखेकडून दिलासा ; मुंबै बँक कथित घोटाळय़ातून नाव वगळले  
विश्लेषण: डोंगर आणि तलावाखालून जाणारा मुंबई-पुणे द्रुतगती बोगदा कसा आहे? त्याचा फायदा काय होईल?
‘तो’ कबुतराचं मांस चिकन म्हणून हॉटेल्सला विकायचा; मुंबईमधील धक्कादायक प्रकार, आठ जणांविरुद्ध गुन्हा दाखल

व्हिडिओ

ताज्या बातम्या
न्यायवृंद व्यवस्था पारदर्शकच; ती कोलमडून पडू नये; सर्वोच्च न्यायालयाचे मत
मंत्र्यांना बेळगावात पाठवू नका! ; कर्नाटकचे महाराष्ट्राला पत्र; चंद्रकांत पाटील, शंभूराज देसाई दौऱ्यावर ठाम   
अंदमानच्या बेटांना ‘परमवीर चक्र’ विजेत्यांची नावे
प्रवीण दरेकर यांना आर्थिक गुन्हे शाखेकडून दिलासा ; मुंबै बँक कथित घोटाळय़ातून नाव वगळले  
ठराविक उद्योजकांना खूश करण्यासाठी प्लास्टिकवरील निर्बंध शिथिलच पर्यावरणप्रेमींचा आरोप