मुंबई : मुंबईमधील रुग्ण दुपटीच्या कालावधी सरासरी ४८१ दिवसांवर पोहोचला आहे. रविवारी दिवसभरात ४७९ जणांना करोनाची बाधा झाली असून सात रुग्णांचा मृत्यू झाला.मुंबईतील एकूण बाधितांची संख्या तीन लाख सहा हजार ४५, तर करोनाबळींची संख्या ११ हजार ३०० इतकी झाली आहे. रुग्ण बरे होण्याचे प्रमाण ९४ टक्क्यांवर पोहोचले आहे. गुरुवारी ५०३ रुग्ण करोनामुक्त झाले. आतापर्यंत दोन लाख ८७ हजार ५१५ रुग्ण करोनातून बरे झाले आहेत. आजघडीला विविध रुग्णालयांमध्ये सहा हजार ३२८ करोनाबाधित रुग्ण उपचार घेत आहेत.
