scorecardresearch

Premium

कुख्यात गुंड छोटा शकीलच्या नावाने ५० लाखांच्या खंडणीची मागणी

व्यावसायिक वादातून धमकावल्याचा आरोप; सात जणांविरोधात गुन्हा दाखल

The wife's throat was strangled by the rope of the daughter's cradle in nagpur
संग्रहित छायचित्र

आंतरराष्ट्रीय गुन्हेगार दाऊद इब्राहिमचा विश्वासू साथीदार छोटा शकीलचे हस्तक असल्याचे सांगून पायधुनीतील एका व्यावसायिकाला ५० लाख रुपयांच्या खंडणीसाठी धमकावण्यात आल्याचे उघडकीस आले आहे. याप्रकरणी पायधुनी पोलीस ठाण्यात सात जणांविरोधात गुन्हा दाखल करण्यात आला असून पुढील तपासासाठी गुन्हा खंडणी विरोधी पथकाकडे वर्ग करण्यात आला आहे.

तक्रारदाराच्या दोन भागिदारांविरोधातही गुन्हा दाखल –

मोहम्मद अली रोड परिसरात वास्तव्यास असलेल्या ४४ वर्षीय तक्रारदार दलालीचा (ब्रोकरेज) व्यवसाय करतात आहे. दोन भागिदारांकडून त्यांना येणाऱ्या रक्कमेच्या वादातून तक्रारदाराला धमकावण्यात आल्याचे सूत्रांनी सांगितले. त्यामुळे तक्रारदाराच्या दोन भागिदारांविरोधातही गुन्हा दाखल करण्यात आला आहे.

Redevelopment of Abhyudaya Nagar Colony through open tender
मुंबई : खुल्या निविदेद्वारे अभ्युदय नगर वसाहतीचा पुनर्विकास
Analysis of adulterated food will be expedited report will be available within 14 days
भेसळयुक्त खाद्यपदार्थांचे विश्लेषण वेगात होणार, १४ दिवसांमध्ये मिळणार अहवाल
Temperature in Mumbai today and tomorrow at 37 degrees
मुंबईतील तापमानाचा पारा आज, उद्या ३७ अंशावर
Some results still pending post graduate law students regretting
मुंबई : काही निकाल अद्यापही रखडलेले, पदव्युत्तर विधि शाखेच्या विद्यार्थ्यांना मनःस्ताप

ठार मारण्याची धमकी दिली –

तक्रारदाराला दोन भागिदारांकडून काही रक्कम येणे बाकी होती. तक्रारदार या रकमेची वारंवार मागणी करीत होते. तक्रारदाराने पैसे मागू नये यासाठी त्यांच्या दोन भागिदारांनी कथित डी कंपनीच्या साथीदारांशी संपर्क साधला. त्यानंतर आरोपींनी तक्रारदाराला धमकावण्यास सुरूवात केली. आरोपींनी तक्रारदाराला आंतरराष्ट्रीय दूरध्वनी क्रमांकावरूनही धमकी दिली. आरोपीो आपण छोटा शकीलचे हस्तक असून तक्रारदाराला ठार मारण्याची धमकी दिली. तसेच ५० लाख रुपयांची खंडणीचीही मागितली.

प्रकरणाचा तपास खंडणी विरोधी पथकाकडे वर्ग –

याप्रकारामुळे घाबरलेल्या तक्रारदाराने मुंबई पोलिसांकडे धाव घेऊन तक्रार केली. प्रकरणाचे गांभीर्य लक्षात घेऊन गुन्हे शाखेच्या पोलिसांनी पडताळणी केली. तक्रारदाराच्या आरोपांमध्ये प्राथमिक पाहणीत तथ्य आढळल्यानंतर पायधुनी पोलीस ठाण्यात याप्रकरणी खंडणी, मकावणे, कट रचणे आदी विविध कलमांतर्गत गुन्हा दाखल करण्यात आला. तक्रारदाराच्या दोन भागिदारांसह एकूण सात जणांविरोधात गुन्हा दाखल करण्यात आला आहे. या प्रकरणाचा तपास खंडणी विरोधी पथकाकडे वर्ग करण्यात आला असून पोलीस अधिक तपास करीत आहेत.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Demand for extortion of 50 lakhs in the name of gangster chhota shakeel mumbai print news msr

First published on: 26-07-2022 at 13:21 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×