scorecardresearch

Premium

अवकाळीग्रस्तांना तातडीची मदत; हेक्टरी ८.५ हजार ते २२.५ हजारांपर्यंत निधी

राज्य मंत्रिमंडळ बैठकीत निर्णय; २२ जिल्ह्यांतील चार लाख हेक्टर शेतीचे नुकसान

Discussion in the state cabinet meeting regarding the damage caused by unseasonal rains in the state
अवकाळीग्रस्तांना तातडीची मदत; हेक्टरी ८.५ हजार ते २२.५ हजारांपर्यंत निधी ( संग्रहित छायाचित्र)/ लोकसत्ता

मुंबई : राज्यात अवकाळी पावसाने झालेल्या नुकसानीबाबत बुधवारी राज्य मंत्रिमंडळ बैठकीत चर्चा झाली. बाधित शेतकऱ्यांना राज्य आपत्ती प्रतिसाद निधीनुसार तीन हेक्टरच्या मर्यादेत तातडीने मदतीचा निर्णय घेण्यात आला आहे. त्यानुसार जिरायतीसाठी हेक्टरी ८,५०० रुपये, सिंचनाखालील पिकांसाठी हेक्टरी १७ हजार रुपये व बागायतींसाठी हेक्टरी २२,५०० रुपये मदत दिली जाईल.

गेल्या तीन दिवसांपासून अवकाळी पाऊस, गारपीट यामुळे शेती आणि फळ पिकांचे मोठय़ा प्रमाणात नुकसान झाले आहे. बुधवारी मंत्रिमंडळ बैठकीत अवकाळी पावसामुळे झालेल्या नुकसानीचा आढावा घेण्यात आला. अवकाळीमुळे २२ जिल्ह्यांतील तब्बल चार लाख हेक्टरवरील पिकांचे नुकसान झाल्याचा अंदाज या वेळी वर्तविण्यात आला. त्यानंतर शेतकऱ्यांना दिलासा देण्यासाठी प्रशासनाने युद्ध स्तरावर काम करावे अशा सूचना मुख्यमंत्री एकनाथ शिंदे तसेच उपमुख्यमंत्री देवेंद्र फडणवीस अजित पवार यांनी दिल्या. तीन हेक्टरच्या मर्यादेत आपत्तीग्रस्तांना तातडीने मदत देण्याचे आदेश मुख्यमंत्र्यांनी अधिकाऱ्यांना दिले. तसेच बाधित क्षेत्राची पाहणी करण्याची सूचना त्यांनी सर्व पालकमंत्र्यांना केली. पुढील आठवडय़ात सुरू होणाऱ्या हिवाळी अधिवेशनात मदतीची घोषणा केली जाण्याची शक्यता आहे.

financial subsidy for inter caste marriage couple
आंतरजातीय विवाहासाठी प्रोत्साहनपर अनुदान मिळेना; जोडप्यांना तीन वर्षांपासून प्रतीक्षा
maharashtra tribal and backward people action committee demand public opinion polls on liquor ban
“गडचिरोलीतील दारूबंदीची समीक्षा का नको ?” ‘एमटीबीपीए’चा सवाल, जनमत चाचणीची मागणी
freshwater fish farming increasing in india
देशात गोड्या पाण्यातील मासेमारीत वाढ महाराष्ट्र मात्र पिछाडीवर
Pune collector on Maratha community survey
मराठा सर्वेक्षणात दुसऱ्या दिवशीही अडथळ्यांची शर्यत; जिल्हाधिकाऱ्यांनी घेतले ‘हे’ कठोर निर्णय

हेही वाचा >>>दत्ता दळवींची कार अज्ञातांनी फोडली, सुनील राऊत म्हणाले, “हे कृत्य करणारे शिंदे गटाचे नामर्द…”

बैठकीत मदत व पुनर्वसन तसेच कृषी विभागाने अवकाळी पाऊस आणि गारपीट याबाबत सादरीकरण केले. बाधित क्षेत्रांचे पंचनामे प्रचलित कार्यपद्धतीप्रमाणे तातडीने करण्याचे आदेश सर्व जिल्हाधिकाऱ्यांना देण्यात आले असून ३३ टक्क्यांपेक्षा जास्त शेती पिकांचे नुकसान झालेल्या प्रकरणी निधी मागणीचा प्रस्ताव तत्काळ पाठविण्याचे आदेश देण्यात आल्याची माहिती या वेळी मदत व पुनर्वसन विभागामार्फत देण्यात आली. त्यावर राज्यातील बाधित शेतकऱ्यांना लवकरात लवकर मदत देण्याकरिता निधी मागणीचे प्रस्ताव सर्व जिल्हाधिकाऱ्यांकडून घ्यावेत आणि एकत्रित निधी वितरणाचा निर्णय विभागाने घेण्याची सूचना मुख्यमंत्र्यांनी केली. 

मदत किती?

जिरायती शेतीसाठी हेक्टरी ८,५०० रु.

आश्वासित सिंचनाखालील

शेतीसाठी हेक्टरी १७,००० रु.

बागायती पिकांसाठी हेक्टरी २२,५०० रु.

मृत व्यक्तीच्या कुटुंबीयांस ४ लाख रु.

६० टक्क्यांपेक्षा जास्त अपंगत्व आल्यास २.५ लाख रु.

जखमींना ७४ हजार रु.

घराची पडझड झाल्यास ४ हजार ते ६.५ हजार रु.

अवकाळी पावसामुळे बाधित शेतकऱ्यांना वाऱ्यावर सोडणार नाही. तीन हेक्टरच्या मर्यादेत त्यांना तातडीने मदत देण्यात येईल. पाऊस आणि गारपीट यामुळे झालेल्या नुकसानीचे महसूल, कृषी विभागाने तातडीने एकत्रितरीत्या सर्व जिल्ह्यांचे पंचनामे पूर्ण करण्याचे आदेश दिले आहेत.- एकनाथ शिंदे, मुख्यमंत्री

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Discussion in the state cabinet meeting regarding the damage caused by unseasonal rains in the state amy

First published on: 30-11-2023 at 04:10 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×