मुंबईतील अनेक ठिकाणांहून गुरूवारी रात्री गॅस गळतीच्या तक्रारी आल्याची माहिती समोर आली आहे. मानखुर्द, चेंबूर, घाटकोपर, पवई, हिरानंदानी, चकाला अशा अनेक ठिकाणांहून गॅस गळतीच्या तक्रारींचे फोन अग्निशमन दलाला करण्यात आले. दरम्यान, या तक्रारींची दखल घेतल अग्निशमन दलाच्या गाड्यांनी घटनास्थळी धाव घेतली. तसंच गॅस गळती नेमकी कोणत्या ठिकाणी होत आहे याचा शोध घेण्याचे काम सध्या सुरू आहे. मुंबईतील पूर्व आणि पश्चिम उपनगरातून गॅसचा दुर्गध येत असल्याच्या तक्रारी आपल्याकडे आल्या असल्याचे मुंबई महानगरपालिकेकडून सांगण्यात आले. संबंधित यंत्रणांना पालिकेने याबाबत माहिती दिली आहे. तसंच अग्निशमन दलाच्या 9 गाड्या गॅस गळती कोणत्या ठिकाणाहून होत आहे, याचा शोध घेण्यासाठी पाठवल्या असून अधिक माहितीसाठी 1916 वर संपर्क साधण्याचे आवाहन मुंबई महानगरपालिकेकडून करण्यात आले आहे. तर दुसरीकडे राष्ट्रीय केमिकल फर्टिलायझरच्या चेंबूर प्लांटमध्ये गॅस गळती झाल्याची माहिती आम्हाला मिळाली होती. परंतु त्यामध्ये गळती झाली नसल्याचे ट्विटही पालिकेकडून करण्यात आले आहे. We have recieved complaints from citizens about odour of some unknown gas in eastern and western suburbs. MCGM has mobilized all concerned agencies. 9 fire engines have been mobilized at various places to find out source of leakage. For any queries, please call 1916 #MCGMUpdates — माझी Mumbai, आपली BMC (@mybmc) September 19, 2019 Unconfirmed information of some leakage in RCF Chembur had been reported. However there is no leakage in RCF; MGL has mobilised 8 mobile emergency vans to check leakage of PNG/CNG gas. #gasleak — माझी Mumbai, आपली BMC (@mybmc) September 19, 2019 Since late evening, MGL has been receiving complaints of gas smell from various parts of Mumbai. Our emergency teams spread out to sites from where complaints were received. So far, we have not come across any breach in our pipeline system which could result in leakage of gas. — Mahanagar Gas Ltd. (@mahanagargas) September 19, 2019 दरम्यान, गॅस गळती संदर्भात अनेकांनी महानगर गॅस लिमिटेडकडेही तक्रारी नोंदवल्या होत्या. गुरूवारी संध्याकाळपासून गॅसचा दुर्गंध येत असल्याच्या तक्रारी मुंबईच्या अनेक भागांतून आम्हाला मिळत होत्या. आपात्कालिन परिस्थितीत काम करणाऱ्या टीमना त्यानंतर त्वरित पाचारण करण्यात आलं. सध्या गॅसच्या पाईपलाईनमध्ये गळती नसल्याची माहिती मिळाली असल्याचे, महानगर गॅसकडून सांगण्यात आलं.