मुंबई: अत्याचाराप्रकरणी कीक बॉक्सिंग प्रशिक्षकाला अटक

मुंबई : बारा वर्षांच्या मुलीवर लैंगिक अत्याचार करणाऱ्या कीक बॉक्सिंग प्रशिक्षकाला मंगळवारी भायखळा पोलिसांनी अटक केली. आरोपीने दोन वेळा पीडित मुलीचा विनयभंग करण्याचा प्रयत्न केला होता. त्यानंतर आरोपीने पीडित मुलीवर अत्याचार केला. १२ वर्षांची तक्रारदार मुलगी कीक बॉक्सिंग शिकण्यासाठी २२ वर्षीय आरोपीकडे यायची. माझगाव येथील एका इमारतीतील रिफ्युज एरियामध्ये आरोपी कीक बॉक्सिंगचे प्रशिक्षण द्यायचा. आरोपीने फेब्रुवारी ते २४ जून या काळावधीत पीडित मुलीला दोन वेळा थांबवून तिच्याशी जवळीक साधण्याचा प्रयत्न केला. पीडित मुलीने नुकताच विरोध केला असता आरोपीने तिच्यावर अत्याचार केला.