ठाणे गुन्हे शाखेच्या वरिष्ठ अधिकाऱ्यासह चौघांना अटक

ठाणे गुन्हे अन्वेषण शाखेच्या वागळे युनिटचे वरिष्ठ पोलीस निरीक्षक शहाजी जाधव यांच्यासह पोलीस हवालदार प्रेमसिंग राजपूत, उदय कोरे आणि सुरेश

ठाणे गुन्हे अन्वेषण शाखेच्या वागळे युनिटचे वरिष्ठ पोलीस निरीक्षक शहाजी जाधव यांच्यासह पोलीस हवालदार प्रेमसिंग राजपूत, उदय कोरे आणि सुरेश पाटील या चौघांना ५० हजारांची लाच घेताना बुधवारी ठाणे लाचलुचपत प्रतिबंधक विभागाने रंगेहाथ पकडले. या कारवाईमुळे ठाणे पोलीस दलात खळबळ माजली असून ठाणे गुन्हे अन्वेषण शाखेला मोठा धक्का बसला आहे.
वाडा परिसरात तक्रारदार यांची केमिकल कंपनी असून तिथे ठाणे गुन्हे अन्वेषण शाखेच्या वागळे युनिटने कारवाई केली. या कारवाईत पोलीस हवालदार प्रेमसिंग राजपूत आणि सुरेश पाटील या दोघांनी कंपनीत रॉकेल आणि फिनेलची भेसळ होत असल्याच्या आरोपावरून चारचाकी वाहन आणि दोन मजुरांना ताब्यात घेतले. दरम्यान, वाहन सोडविण्यासाठी आणि मजुरांवरील कारवाई टाळण्यासाठी वरिष्ठ पोलीस निरीक्षक शहाजी जाधव यांनी तक्रारदारकडे दोन लाखांची मागणी केली होती. तडजोडअंती ५० हजार देण्याचे ठरले होते. या प्रकरणी तक्रारदार यांनी ठाणे लाचलुचपत प्रतिबंधक विभागाकडे तक्रार केली. त्यानुसार या विभागाच्या पथकाने वागळे युनिट कार्यालयात सापळा रचून ही कारवाई केली, अशी माहिती पोलिसांनी दिली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Inspector three others arrested for demanding bribe in thane

ताज्या बातम्या