आपल्याला आयुष्याच्या प्रवासात अनेक नवनवीन मित्र-मैत्रिणी भेटतात. यामध्ये काही जण आजन्म आपल्या सोबतची मैत्री टिकवून ठेवतात. तर मैत्री अखेरपर्यंत निभावणे प्रत्येकाला जमत नाही.

आपल्या मैत्रीला जागणाऱ्या मित्रांची कथा सांगणारा तारा करमणूक निर्मित व प्रगती कोळगे दिग्दर्शित ‘जब्राट’ हा नवीन मराठी चित्रपट नववर्षारंभी रुपेरी पडद्यावर येणार आहे. या चित्रपटाचे दमदार पोस्टर नुकतेच प्रसिद्ध करण्यात आले.

मराठी रुपेरी पडद्यावर ‘जब्राट’ (लोकसत्ता टिम)

मुंबई : आपल्याला आयुष्याच्या प्रवासात अनेक नवनवीन मित्र-मैत्रिणी भेटतात. यामध्ये काही जण आजन्म आपल्या सोबतची मैत्री टिकवून ठेवतात. तर मैत्री अखेरपर्यंत निभावणे प्रत्येकाला जमत नाही. आपल्या मैत्रीला जागणाऱ्या मित्रांची कथा सांगणारा तारा करमणूक निर्मित व प्रगती कोळगे दिग्दर्शित ‘जब्राट’ हा नवीन मराठी चित्रपट नववर्षारंभी रुपेरी पडद्यावर येणार आहे. या चित्रपटाचे दमदार पोस्टर नुकतेच प्रसिद्ध करण्यात आले.

प्रेम, संगीत, मस्ती आणि नृत्य असा मनोरंजनाचा जबरदस्त मसाला असणाऱ्या ‘जब्राट’ या संगीतमय चित्रपटात आयुष संजीव, अनुष्का सरकटे, वनिता खरात, श्रेया शंकर, राहुल चव्हाण, पुण्यकर उपाध्याय, आयली घिया, हिंदवी पाटील, मंदार मोकाशी, डॉ. ऋषभ गायकवाड, सोहम कांबळे, विक्रम आल्हाट, प्रगती कोळगे या तरुण फळीसोबत संजय मोने, सुरेखा कुडची, जयवंत वाडकर, गणेश यादव ही ज्येष्ठ कलाकार मंडळीही दिसणार आहेत.

‘जब्राट’ चित्रपटाचे निर्माते अनिल अरोडा, गोविंद मोदी, प्रगती कोळगे आहेत. छायांकन अनिकेत खंडागळे यांचे, तर सहाय्यक असोसिएट चार्लेस गोम्स हे आहेत. नृत्यदिग्दर्शक ‘लावणी किंग’ आशिष पाटील यांनी सांभाळली आहे. तर वेशभूषा युगेशा ओमकार यांची आहे.

संगीताची जबाबदारी डॉ. जयभीम शिंदे यांनी खूपच ताकदीने पेलली आहे. तसेच प्रेमगीते, प्रेरकगीत आणि लोकगीतांनी नटलेल्या या चित्रपटात बेला शेंडे, आर्या आंबेकर, वैशाली माडे, नंदेश उमप, डॉ. जयभीम शिंदे, अनुराग जगदाळे, स्वराज्य भोसले, राजनंदिनी मगर, स्वाती शिंदे यांनी गायन केलेले आहे.