दिवाळीनिमित्त कोकण व गोवा येथे जाणाऱ्या गर्दीचा विचार करून कोकण रेल्वे लोकमान्य टिळक टर्मिनस ते करमाळी या दरम्यान १६ विशेष फेऱ्या चालवणार आहे. १० ऑक्टोबरपासून सुरू होणाऱ्या या फेऱ्या दर आठवडय़ाला असतील. या फेऱ्यांचे आरक्षण सुरू झाले आहे.
अप मडगाव-लोकमान्य टिळक टर्मिनस ही गाडी १०, १७, २४, ३१ ऑक्टोबर आणि ०७, १४, २१, २८ नोव्हेंबर या दिवशी मडगावहून दुपारी १२.३० वाजता रवाना होईल, तर डाउन लोकमान्य टिळक टर्मिनस-मडगाव ही गाडी ११, १८, २५ ऑक्टोबर रोजी रात्री १.१० वाजता निघून मडगावला दुपारी २.१५ वाजता पोहोचेल. या गाडीला १३ डबे आहेत.