मुंबई उच्च न्यायालयातील न्यायमूर्तींची पदे वाढविण्यास राज्य मंत्रिमंडळाने शुक्रवारी मान्यता दिली. मुंबई उच्च न्यायालयाच्या न्यायमूर्तींची मंजूर पदांची संख्या ७५ इतकी असून, या निर्णयामुळे ती ९४ इतकी होणार आहे. न्यायमूर्तींच्या वाढीव संख्येमुळे अनुषंगिक व संबंधित कर्मचाऱ्‍यांची १६२ पदेही वाढणार आहेत. त्यासाठी एकूण १६.८८ कोटी रुपयांचा खर्च अपेक्षित आहे. न्यायमूर्तींची पदे वाढल्याने उच्च्‍ा न्यायालयात प्रलंबित असलेले दावे आणि याचिका निकाली निघण्यास मदत होणार आहे.