लोकसत्ता प्रतिनिधी

मुंबई : वेगवान, अत्याधुनिक सुविधा, पूर्णतः वातानुकूलित एक्स्प्रेस अशी ओळख असलेली तेजस एक्स्प्रेस आता असुविधांची एक्स्प्रेस बनू लागली आहे. मध्य रेल्वे प्रशासनाच्या चालढकलपणामुळे प्रवाशांना गैरसोयींचा सामना करावा लागत आहे. तसेच वाचनप्रेमींसाठी तेजस एक्स्प्रेसमध्ये केवळ इंग्रजी वृत्तपत्र उपलब्ध करून देण्यात येत असून मागणी केल्यानंतरही मराठी वृत्तपत्रच उपलब्ध होत नसल्याची खंत अनेक प्रवासी व्यक्त करू लागले आहेत.

mmrda First phase of four metro lines in service Mumbai print news
वर्षाअखेरपर्यंत चार मेट्रो मार्गिकांचा पहिला टप्पा सेवेत; ‘मेट्रो २ ब’, ‘मेट्रो ९’, ‘मेट्रो ४’ आणि ‘मेट्रो ४ अ’ मार्गिकांचे अंशतः संचलन
Best Vegetables for Vegetarians and Non-vegetarians
Vegetables for Nonvegetarians ‘ही’ भाजी मांसाहार करणाऱ्यांकरता आवश्यक…;…
Airtel tariff hike Further tariff hike needed for financial stability: Airtel MD Vittal
Airtel यूजर्सचं टेन्शन वाढले; रिचार्ज महागण्याची शक्यता; कंपनीच्या एमडींच्या ‘या’ विधानाने चर्चांना उधान
Mumbai-Bound exit at Panvel On Mumbai-Pune Expressway to close For 6 months
Mumbai-Pune Expressway : मुंबई-पुणे द्रुतगती महामार्गावरील वाहतुकीत मोठा बदल; ६ महिन्यांसाठी ‘हा’ एक्झिट मार्ग राहणार बंद, जाणून घ्या पर्यायी मार्ग
pune wifi loksatta news
पुणेकरांची मोफत वाय-फाय सेवा होणार बंद ? काय आहे कारण
karjat Bhivpuri local trains disrupted
कर्जत – भिवपुरी येथील तांत्रिक बिघाडामुळे लोकल सेवा विस्कळीत, कर्जतहून येणाऱ्या काही लोकल रद्द
Navi Mumbai Metro update Belapur Pendhar line Metro speed
नवी मुंबई मेट्रो सुसाट, लवकरच बेलापूर-पेणधर मेट्रोची ताशी ६० प्रति किलोमीटर वेगाने धाव
Hinjewadi traffic jam
‘आयटी’तील पुणेकरांची आणखी वर्षभर कोंडी, उन्नत मार्ग रखडल्याने हिंजवडीकरांना दिलासा नाहीच

मुंबई – गोवा प्रवास जलदगतीने व्हावा यासाठी प्रवासी गाडी क्रमांक २२११९ सीएसएमटी – मडगाव तेजस एक्स्प्रेसला पसंती देतात. जलद प्रवास आणि अत्याधुनिक सुविधांचा लाभ मिळावा यासाठी प्रवासी तेजस एक्स्प्रेसला प्राधान्य देतात. मात्र तेजस एक्स्प्रेसमध्ये प्रवाशांना निकृष्ट दर्जाचे जेवण देणे, बुरशीयुक्त ब्रेड दिल्याची घटना यापूर्वी घडली आहे. तसेच तेजस एक्स्प्रेसचे स्वयंचलित दरवाजे अर्धवट बंद होणे, मनोरंजन स्क्रीन, वायफाय आणि यूएसबी सॉकेट आदी सुविधा बंद असणे. आदी विविध समस्यांना प्रवाशांना तोंड द्यावे लागते. तेजस एक्स्प्रेसमधून मोठ्या प्रमाणावर मराठी भाषक प्रवास करीत आहेत. परंतु प्रवाशांना मराठीऐवजी इंग्रजीच वृत्तपत्र उपलब्ध करण्यात येते. याबद्दल प्रवासी खंत व्यक्त करू लागले आहेत.

आणखी वाचा-महालक्ष्मी रेसकोर्सच्या प्रस्तावावर मुंबईकरांचे सार्वमत घ्यावे, भाजपच्या माजी नगरसेवकांची मागणी

मनसेचे नेते नितीन सरदेसाई दादरवरून बुधवारी तेजस एक्स्प्रेसने रत्नागिरीला जात होते. यावेळी त्यांना मराठी वृत्तपत्र वाचण्यास हवा होता. मात्र तेजस एक्स्प्रेसमध्ये फक्त इंग्रजी वृत्तपत्र उपलब्ध होते. मराठी वृत्तपत्र उपलब्ध नसल्याबद्दल त्यांनी नाराजी व्यक्त केली.

मंगळवारी ‘मराठी भाषा गौरव दिन’ साजरा केला आणि बुधवारी मराठी भाषेची कशाप्रकारे गळचेपी होते, त्याचा अनुभव आला. आपल्याच राज्यातून सुरू होणार्‍या तेजस एक्स्प्रेसमध्ये मराठी वर्तमानपत्र नसणे. फक्त इंग्रजी वर्तमानपत्र असणे ही नक्कीच गौरवाची बाब नाही. यापुढे रेल्वेगाड्यांमध्ये मराठी वर्तमानपत्र मिळेल याची महाराष्ट्र नवनिर्माण सेना खात्री करेलच. परंतु प्रवाशांनी सुद्धा या गोष्टींकडे दुर्लक्ष न करता सगळीकडेच मराठीचा आग्रह धरावा, असे मत मनसे नेते नितीन सरदेसाई यांनी व्यक्त केले.

Story img Loader