scorecardresearch

Premium

दिवाळीत विक्रमी उत्पन्न मिळाल्यानंतरही एसटी कर्मचाऱ्यांना वेतनाची प्रतीक्षा

राज्यव्यापी संपानंतर एसटी कर्मचाऱ्यांना दर महिन्याच्या ७ ते १० तारखेदरम्यान वेतन देण्याची जबाबदारी राज्य सरकारची आहे.

msrtc employees waiting for salary
(संग्रहित छायाचित्र)

मुंबई : यंदा दिवाळीत विक्रमी उत्पन्न मिळाल्यामुळे एसटी महामंडळाच्या तिजोरीत महसुलाची भर पडली आहे. मात्र एसटी कर्मचाऱ्यांचा नोव्हेंबर महिन्याचा पगार अद्याप न झाल्याने ते आर्थिक संकटात सापडले आहेत. कर्मचाऱ्यांना ७ डिसेंबर रोजी पगार मिळण्याची अपेक्षा होती. मात्र ११ डिसेंबर उलटल्यानंतरही कर्मचाऱ्यांना वेतन मिळालेले नाही. त्यामुळे एसटी कर्मचाऱ्यांवर उपाशी राहण्याची वेळ आली आहे.

हेही वाचा >>> बेस्टमुळे पूर्व-पश्चिम उपनगर अधिक जवळ; आणखी १० वातानुकूलित विद्युत दुमजली बसगाड्या प्रवाशांच्या सेवेत

There is a possibility of a code of conduct for the upcoming Lok Sabha elections
पिंपरी: आचारसंहितेच्या शक्यतेने राजकारण्यांप्रमाणेच प्रशासकांचीही धावपळ; तब्बल ‘इतक्या’ कोटींच्या कामांना मंजुरी
The High Court reprimanded the government to be sensitive to the demand for the house of the eyewitnesses of the 26 11 attacks Mumbai news
२६/११ हल्ल्यातील प्रत्यक्षदर्शीच्या घराच्या मागणीबाबत संवेदनशीलता दाखवा; उच्च न्यायालयाने सरकारला फटकारले
Compensation decision of sugarcane growers Only eight factories are ready to pay after the agitation
ऊस उत्पादकांच्या भरपाई निर्णयास कारखान्यांकडून केराची टोपली; आंदोलनानंतर केवळ आठ कारखान्यांकडून रक्कम देण्याची तयारी
Right to Disconnect Bill
कार्यालयीन वेळेनंतरही बॉसच्या फोन अन् मेसेजचा त्रास होतोय; मग ‘राइट टू डिस्कनेक्ट’ विधेयकाबद्दल जाणून घ्या

राज्यव्यापी संपानंतर एसटी कर्मचाऱ्यांना दर महिन्याच्या ७ ते १० तारखेदरम्यान वेतन देण्याची जबाबदारी राज्य सरकारची आहे. राज्य सरकारच्या निधीवर एसटीच्या ८८ हजार कर्मचाऱ्यांचे कुटुंब अवलंबून आहे. मात्र कर्मचाऱ्यांना वेतन न मिळाल्याने अनेकांचे हप्ते थकले आहेत. तसेच घरात किराणा सामान न भरल्याने परिस्थिती बिकट बनू लागली आहे. तसेच मुलांचा शैक्षणिक खर्च, घरच्यांचे आजारपण यावर खर्च करणे एसटी कर्मचाऱ्यांसाठी अवघड झाले आहे. डिसेंबर महिन्याची ११ तारीख उलटून गेली तरी कर्मचाऱ्यांना अद्याप वेतन मिळालेले नाही. यामुळे कर्मचारी आर्थिक विवंचनेत सापडले आहेत. दरम्यान, राज्य सरकारकडून ८ डिसेंबर रोजी एसटी महामंडळाला ऑक्टोबर २०२३ च्या प्रतिपूर्तीपोटी ३२९.९४ कोटी रुपये निधी वितरित झाला आहे. तर, सोमवारी रात्री किंवा मंगळवारी कर्मचाऱ्यांच्या खात्यात मासिक वेतन वर्ग करण्यात येणार आहे, अशी माहिती एसटी महामंडळातील वरिष्ठ अधिकाऱ्यांने दिली. तर, ९ आणि १० डिसेंबर रोजी सुट्टी असल्याने कर्मचाऱ्यांच्या बँक खात्यात वेतन वर्ग करता आले नसल्याचे एसटी अधिकऱ्याने सांगितले.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Msrtc employees waiting for salary even after receiving record revenue in diwali mumbai print news zws

First published on: 11-12-2023 at 22:01 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×